Ekki króna á íslensku þjóðina!!!!!

Hvað er þessi maður að bulla?

Hversu miklu tapaði bankinn af eftirlaunum íslenskra ríkisborgara. Lífeyrissjóðirnir töpuðu gríðarlegum upphæðum á skuldabréfum sem þeir áttu í bönkunum,Milljörðum á gjaldeyrissamningum ásamt því að greiða himinháar þóknanir fyrir eignastýringu sem var ekkert nema píramýtasvindl þegar uppi var staðið. þá þurkaðist hlutabréfaeign lífeyrissjóðanna í kaupþingi út með öllu.  Það má varlega áætla að íslenskir eftirlaunaþegar og þjóðin öll hafi tapað hundruðum milljarða á þessum snillingum.

Það er stundum sagt þegar alvarlegir og glórulausir glæpir eiga sér stað að menn þurfi að gangast undir mat geðlækna til að sanna sakæfi þeirra. 

Ég held að Hreiðar falli vel undir þá skilgreiningu.

 

 

Annarra að biðjast afsökunar

VR Samsærið: Nýr Kafli.

Mér hafa borist hótanir um lögsóknir með fimm daga millibili frá tveimur meðlimum “VR-Skugga” sem er félagsskapur sem stofnaður var til að vinna kerfisbundið gegn 6 nýkjörnum stjórnarmönnum félagsins, nýju trúnaðarráði og formanni.

Þær sem hyggjast kæra mig og tvo aðra stjórnarmenn heita Rannveig Sigurðardóttir fyrrverandi stjórnarmaður VR og Jóhanna E Vilhelmsdóttir fyrrverandi stjórnarmaður í VR og starfsmaður félagsins.

Í fyrsta skipti í sögu VR fengu félagsmenn að kjósa stjórn í opinni,almennri kosningu. Hingað til hafa stjórnarmenn verið handvaldir af þröngum hópi trúnaðarráðs sem hafði á að skipa handvöldu fólki af stjórnendum félagsins.

Þegar úrslit kosninga og vilji félagsmanna var ljós sem var yfir allan vafa hafin og var þeim sem þrásetið hafa félagið undanfarin ár og áratugi, hafnað með miklum meirihluta.

Í kjölfarið voru stofnuð samtök “VR-Skugga” sem er félagsskapur aðila sem komið hafa að stjórn félagsins í áratugi ásamt nokkrum starfsmönnum og trúnaðarráðsmönnum sem kosnir voru frá.

Þessi vinna gegn okkur var hafin ÁÐUR en við tókum við í stjórn félagsins enda átti aldrei að gefa okkur færi á að sanna okkur í starfi, vinna fyrir félagið og hagsmuni félagsmanna , heldur koma okkur frá hvað sem það kostaði eins og tölvupóstarnir gáfu glögglega til kynna.

Hér eru nokkur sýnishorn á ummælum þeirra sem ég tel hafa brotið gegn skyldum sínum sem stjórnarmenn og eða starfmenn sem ég tel hafa brotið af sér í starfi.

Tekið úr tölvupóstum VR-Skugga:

Stefanía Magnúsdóttir er fyrrverandi varaformaður VR og núverandi Starfsmaður VR. Hún á sæti í stjórn félagsins. Hún var starfandi varaformaður félagsins þegar hún skrifaði samskuggum sínum þetta bréf sem er dagsett daginn eftir að við tókum formlega sæti í stjórn félagsins:

Ég er líka með hugmynd um málefnahóp sem færi í þá vinnu að endurskoða lögin þannig að svona slys gerist aldrei aftur. Fyrst þurfum við að fá inn heilt og almennilegt trúnaðarráð en á næsta aðalfundi verður að breyta lögunum -- en þá verðum við búin að fá "okkar" fólk inn -- þótt það kosti aðrar allsherjarkosningar.

Þarna vísar Stefanía á úrslit fyrstu VR kosninga til stjórnar ,þar sem hinn almenni félagsmaður gat greitt atkvæði, sem slys og réttkjörið trúnaðarráð sem skipað er fullgildum félgasmönnum sem óheilum. Þetta svar Stefaníu er við pósti Gunnars Böðvarssonar fyrrverandi stjórnarmanns VR sem hér segir:

Jæja, þá er dælan farin að slá hægar ! ...en það er komin fram

> > frábær hugmynd um að "viðhalda VRfjölskyldunni" -og ekki síst

> > vinskapnum og samheldninni.

 

Tillaga frá Stefaníu um formann og varaformann Skugga. Hún ritar þetta sem Varaformaður VR:

Það væri mjög gott ef við skipuðum formann Skugga og ég sting upp á Gunnari Bö og Hildi í Varaformann.

Undir þetta tekur og samþykkir Sigurður Sigfússon núverandi stjórnarmaður VR og meðlimur Skugga en hann hefur í öðrum pósti hrósað framlagi Skugga gegn réttkjörnum stjórnarmönnum.

hann segir:

Styð Gunnar og Hildi. Kveðja Siggi

Rannveig Sigurðardóttir er fyrrverandi stjórnarmaður VR. Hér tekur hún af allan vafa um þáttöku sína í félagsskap Skugga en hún er þar ásamt nokkrum starfsmönnum VR og eldri armi núverandi stjórnar á póstlista VR-Skugga.

Sæl öll,það má koma listum til mín á 4 hæð,Ingólfsstræti 5 Reykjavík eða hringja í mig í síma xxxxxxx og þá er hægt að mæla sér mót. Kv.Rannveig

4 hæð, Ingólfsstræti 5 Reykjavík er heimilsfang Lag lögmanna þar sem hún starfar en það er lögmannstofa unnusta hennar Atla Gíslasonar þingmanns vinstri grænna.

Rannveig er önnur þeirra sem hafa í undirbúningi meiðyrðamál gegn nokkrum nýjum stjórnarmönnum sem ekki hafa sama aðgang að lögfræði aðstoð og hún.

Hildur Mósesdóttir varaformaður Skugga er einmitt systir Lilju Móses þingmanns vinstri grænna sem er skemmtileg tilviljun.

Jóhanna E Vilhelmsdóttir var ráðin til starfa fyrir félagið um síðustu áramót án þess að staðan hafi verið auglýst sérstaklega. Hún hefur setið í stjórn félagsins í áratugi. Hún tekur hér þátt í kosningu formanns Skugga sem starfsmaður VR.

Hún er ein þeirra sem hafa hótað mér málsókn.

Blessuð SAMÞYKKT GBÖ og Hildur MÓ –við náum ekki ÖLL að tala saman ef við verðum á almennum stað eins og Perlunni.Líst vel að hittast hjá XXXXX. Þar getum við haldið betur utan um hópinn og talað –frjálslega-ekki satt??   

Þarna vísar hún í fundarstað sem hópurinn fær að virðist endurgjaldslaust vegna viðskipta sem VR á við viðkomandi aðila og greinilega til þess fallin að vera undir Radar eins og kemur fram í einum póstana.

 

Þetta eru þau vinnubrögð sem lýðræðislega kjörnum félagsmönnum til trúnaðarstarfa fyrir félagið er boðið uppá í einu stærsta verkalýðsfélagi landsins.

Ég mun birta þessi bréf á bloggi mínu fljótlega að fengnu lögfræðiáliti.

Ég mun ekki beygja mig undir kúganir af neinu tagi frá þessu fólki og mæta þeim hvar sem er, í réttarsal eða á félagsfundum hvað sem það kann að kosta mig. Ég hef einfaldlega fengið nóg af vinnubrögðum þessara aðila.

Kveðja

Ragnar Þór Ingólfsson

Stjórnarmaður í VR.

 

Úr lögum félagsins.

 

Lög VR

 

7. gr. Brottvikning

Stjórn félagsins getur vikið úr félaginu hverjum þeim, sem að hennar áliti brýtur lög félagsins, samninga þess við vinnuveitendur eða vinnur gegn hagsmunum þess. Ákvörðun stjórnar er heimilt að vísa til úrskurðar trúnaðarráðs. Til samþykkis slíkrar brottvikningar þarf 2/3 greiddra atkvæða, hvort sem er á trúnaðarráðsfundi eða stjórnarfundi. Brottvikningu skal ekki beitt nema sakir séu miklar eða brot sem áminnt hefur verið fyrir verið ítrekað. Áður en til brottvikningar kemur skal félagsmanni gefinn kostur á að koma sjónarmiðum sínum skriflega á framfæri við stjórn.

 

Hrikaleg áhættusækni Lífeyrissjóðs Verslunarmanna.

Voru gjaldeyrisskiptasamningar (afleiðusamningar) óþarfa áhættusækni eða varnir?

Af hverju var verið að gera slíka samninga sem mótvægi við gengis hagnað/tap sem erlendar fjárfestingar áttu að bera umfram ávöxtunarkröfu í ljósi þess að innlend ríkisskuldabréf báru mun betri raunávöxtun en almennt þekkist í heiminum.

Af hverju voru slíkir samningar gerðir við bankana sem allir veðjuðu gegn krónunni. Bankarnir voru helstu ráðgjafar lífeyrissjóðanna.

Lífeyrissjóður Verslunarmanna skuldar gömlu bönkunum 93.175.000.000 vegna gjaldeyrissamninga. Þetta er skuld sem nemur 38% af öllum eignum sjóðsins.

Skoðum málið frá sjónarhorni sjóðsfélagans.

Hafa einhverjir þessara aðila notið vildarkjara umfram hinn hefðbundna félagsmann í VR eða LV á Tímabilinu frá 1.Janúar 2000 til 1. Janúar 2009 eða fengu þau niðurfellingu á ábyrgðum vegna hlutabréfakaupa?

Áttu tengdir aðilar í fjárfestingafélögum?

Lífeyrissjóðurinn virðist hafa verið rekin sem fjölskyldufyrirtæki frekar en eftirlaunasjóður.

Gunnar Páll Pálsson Formaður VR, Stjórnarformaður LV og Stjórnarmaður gamla Kaupþings.

Ásta Pálsdóttir eiginkona Gunnars og Starfsmaður Kaupþings er skráður lykilstarfsmaður hjá Kaupþingi þann 21.07.2003 hjá FME er nr.23 á listanum.

Samkvæmt því er Ásta eitthvað meira heldur en almennur starfsmaður eins og Þorgeir og Gunnar hafi marglýst yfir.

Þorgeir Eyjólfsson Forstjóri Lífeyrissjóðs Verslunarmanna (fyrrverandi).

Sigríður Kristín Lýðsdóttir eiginkona Þorgeirs og starfsmaður Kaupþings.

Börn þeirra

Lýður Þorgeirsson hjá fyrirtækjasviði Kaupþings. Hann kallar sig VP investment banking hjá Kaupthing. Hann starfar sem sérfræðingur á fyrirtækjasviði Kaupþings.

Guðrún Þorgeirsdóttir Starfar sem framkvæmdastjóri áhættustýringar hjá Exista stærsta eiganda Kaupþings. En Lífeyrissjóður Verslunarmanna var meðal stærstu eiganda Exista og Kaupþings. Hún er á fruminnherjalista hjá Lýsingu þar sem hún er varastj.maður.

Guðmundur B.Ólafsson Lögmaður VR, Guðmundur starfaði frá 1989-2002 hjá VR en starfar nú sem verktaki fyrir félagið.

Nanna E. Harðardóttir eiginkona Guðmundar er forstöðumaður við útlánaeftirlit Kaupþings (sem er innan áhættustýringar) og er sambærileg staða og Tryggvi Jónsson var í í Landsbankanum.Þau tvö voru svo á lista Morgunblaðsins yfir þá starfsmenn sem talið var að hefðu fengið lán sín afskrifuð hjá Kaupþingi.

Til að Ólafur Ólafsson & co Kjalar hf. hafi getað tekið framvirkan gjaldeyris afleiðusamning gegn krónunni (að krónan lækkaði) upp á 110 milljarða, sem Kjalar gerði 180 milljarða kröfu á gamla Kaupþing að væri uppfylltur, þá þurfti einhver að veðja á móti þeim sömu upphæð með krónunni (að krónan hækkaði). Lífeyrissjóður Verslunarmanna tók það hlutverk að sér - Gunnar Páll stjórnarformaður LV og formaður VR var einnig í stjórn Kaupþings og sat líka í lánanefnd. Eru því miklar líkur á að hann hafi veðjað með og á móti eftir því hvoru megin borðsins hann sat.

Fleiri útrásarfyrirtæki léku sama leikin þar með talin Bakkavör og Exista sem voru að stórum hluta í eigu Lífeyrissjóðs Verslunarmanna.

Það er með öllu óskiljanlegt að nokkur maður hafi veðjað á hækkun krónunar fyrir gjalddaga jöklabréfanna haustið 2008. Vitað var með margra ára fyrirvara að krónan mundi hrynja á þeim tímapunkti.

Bls.36 í ársreikningi Lífeyrissjóðs Verslunarmanna.

Framvirkir gjaldmiðlavarnarsamningar

14. Sjóðurinn hefur á undanförnum árum verið í viðskiptum við innlenda banka vegna gjaldmiðlavarnarsamninga, í

þeim tilgangi að draga úr áhættu vegna misvægis á gjaldmiðlasamsetningu erlendrar verðbréfaeignar sjóðsins

gagnvart gengisvísitölu íslensku krónunnar og til að draga úr gjaldeyrisáhættu sjóðsins. Gerðir hafa verið framvirkir

gjaldmiðlavarnarsamningar að fjárhæð 93.175 mkr.

Í tengslum við fall viðskiptabankanna í október 2008 telur sjóðurinn að forsendur þessara samninga hafi brostið og byggir þar m.a. á ytri og innri sérfræðiálitum. Sjóðurinn hefur lagt fram tilboð til skilanefnda bankanna um uppgjör samninganna byggt á forsendum fyrrgreindra sérfræðiálita og er metin nettóskuld sjóðsins í árslok 15.674

mkr. og er sú fjárhæð færð í efnahagsreikninginn. Sjóðurinn telur að framangreint mat á áhrifum samninganna sé byggt á bestu vitneskju, miðað við stöðu við gerð ársreikningsins en bendir á óvissu um endanlega niðurstöðu um uppgjör samninganna. Verði niðurstaðan frábrugðin mati sjóðsins getur það leitt til breytinga á hreinni eign og haft áhrif á tryggingafræðilega stöðu sjóðsins.

Við gerð ársreikningsins hefur sjóðurinn gert ráð fyrir að geta skuldajafnað skuldabréfum og öðrum kröfum gagnvart þeim viðskiptabönkum sem kröfur eiga á sjóðinn vegna skuldastöðu framvirkra gjaldmiðlavarnarsamninga.

Þetta þýðir að Lífeyrissjóður verslunarmanna ætlar að moka yfir hátt í 17 milljarða tap á verðlausum skuldabréfum gömlu bankanna í skiptum fyrir að þurfa ekki að borga rúmlega 93 milljarða tap á veðmálum með íslensku krónuna.

 

Lánakjör yfirstéttar 2 hluti.

Hér má sjá veðskuldabréf Sigurjóns vegna Bjarnastígs. Það sem er merkilegt við þetta bréf er að Sigurður G.Guðjónsson sem semur bréfið sagði í viðtali við mbl. að um mistök hafi verið að ræða þegar fyrsta bréfið var birt þar sem 1.vaxtadagur er 2028 rétt fyrir eina gjalddaga bréfsins. Hér er annað bréf með nákvæmlega sömu "mistökunum" ætli það séu fleiri sambærileg mistök í gangi.

Skrár tengdar þessari bloggfærslu:

• Veðskuldabréf Bjarnastígur

Eru þetta lánakjör yfirstéttarinnar ?

Fékk þetta skjal sent í nafnlausum tölvupósti. Það er ekki sama hvort maður heitir Jón, Séra Jón eða Sigurjón.

Skjal þetta var keypt hjá Sýslumanninum í Reykjavík og var sent frá þeim í tölvupósti nákvæmlega eins og það er og kostaði skjalið 150kr. skjalið sem er opinbert gagn er nr. 411-S-010052/2008 og getur hver sem er sannreint þessar upplýsingar í síma 569-2400 fyrir 150kr.

13/6

Ég fékk þetta sannreynt í morgun af þeim aðila sem sendi þetta á mig vegna ábendinga um að skjalið gæti verið falsað. Er búin að sjá upprunalega póstinn og er sannfærður um áreiðanleika hans.

Ath.Nýtt skjal frá fasteignaskrá og upplýsingar um höfund skuldabréfsins.

Nýtt skjal með öðru 30 milljón króna láni og vaxtalausu Búnaðarbanka láni frá árinu 2000. Væri ekki dásamlegt að fá vaxtalaus lán í dag.

Skrár tengdar þessari bloggfærslu:

• Landsbankinn
• Fasteignaskrá og Sigurður G.
• Fasteignaskrá Bjarnastígur

Icesave og verkalýðshreyfingin.

Það er lýsandi fyrir ástandið í þjóðfélaginu að okkar helsta hagsmunagæsla hefur ekki tekið afstöðu til nokkura stærstu mála sem upp hafa komið. Jú það er eitt mál. Evrópusambandið.

Hver verður fórnunarkostnaðurinn fyrir málstað sem fáir skilja.

Verðtryggingin er að sliga heimilin og hefur gert síðan sama forysta tók vísitölutryggingu launa úr sambandi árið 1983 og var verðtrygging lána látin standa. Ég ætla öðrum eftir að rökstyðja þessa rökleysu hér en þessi gjörningur er talin af mörgum okkar fremsu hagfræðingum þmt. Gunnari Tómassyni ein mestu hagstjórnarmistök Íslandssögunnar.

Mér finnst því broslegur málflutningur ASÍ um stöðugleika og stöðugleikasáttmála þegar ákveðinn hópur  innan okkar samfélags hefur beinan hag af óstöðugleika og því engin samfélagslegur hvati til að viðhalda honum sem slíkum.

Icesave.

Hvernig er hægt að samþykkja svona lagað án þessa að vita nákvæmlega hversu mikið við þurfum að borga? Hvað liggur svona mikið á ? Ætlar verkalýðsforystan að samþykkja skuldaánauð á umbjóðendur sína ofan á alla þá skerðingu og hamfarir sem skollið hafa á einstaklinga og fjölskyldur þessa lands.

Verður aðgöngumiðinn í Evrópusambandið það dýru verði keyptur að við ráðum aldrei við að borga hann.

Hagsmuni hverja er verið að verja ?

 

 

VR Samsærið 3.hluti.

Einhverstaðar virðast hagsmunir félagsmanna hafa gleymst.

Hverjir “eiga” þetta félag?

Er þetta skýringin á getuleysi verkalýðsforystunnar þar sem allt púðrið virðist fara í að sitja sem fastast í einhverjum stólum og halda þéttingsfast í pilsfald SA og ASÍ.

Það er kanski ekkert skrýtið að lágmarks laun voru undir atvinnuleysisbótum.

Dagsskipunin er:

Ekki rugga bátnum !!

Engin má vera með hávaða !!

Við viljum ekki átök !!

Staðreyndin er því miður sú að verkalýðsforystan er með allt niðrum sig, allir vita það en engin þorir að segja það.

Kveðja

Ragnar Þór

Hér eru fleiri tölvupóstar frá skuggum.

Skuggar eru þorri fólksins sem hefur stýrt félaginu um áratugaskeið.

----- Áframsent skeyti -----

Frá: "Stefania Magnusdottir" <[e-mail]>

Til: "Hildur Mósesdóttir" <[e-mail]>, [e-mail], [e-mail], "Birgir Már Guðmundsson" <[e-mail]>, [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], "gunnar helgi" <[e-mail]>, [e-mail], "gunnar pall palsson" <[e-mail]>, [e-mail], "Judy Wesley" <[e-mail]>, [e-mail], [e-mail], [e-mail], [e-mail], [e-mail], [e-mail], "margret sverrisdottir" <[e-mail]>, , [e-mail], [e-mail], [e-mail], "ragnar gunndis" <[e-mail]>, [e-mail], [e-mail], [e-mail], "Sigurður Sigfússon" <[e-mail]>, [e-mail], [e-mail], [e-mail], [e-mail], "thorl johanns" <[e-mail]>

Sent: Fimmtudagur, 2. apríl, 2009 00:34:22 GMT +00:00 Casablanca / Monrovia

Efni: RE: Prufa

Hæ Skuggar,

Hlakka til að sjá ykkur öll annað kvöld á Hilton. Var að fara yfir fundargerðina frá aðalfundi síðasta árs -- og váááááá - hvað allt hefur breyst. Það verður bara 2009 !!!!!!!!!!!! og hananú ! 2010 verður flott :-)

Koma svo -- áfram VR

Kveðja

Stefanía

From: [e-mail]

Date: Tue, 31 Mar 2009 11:58:28 +0000

Fór bara á mig svo ég áframsendi Birgir.

Kær kveðja,

Hildur Mósesdóttir

 

----- Forwarded by Hildur Mósesdóttir/xxxxxx on 31.03.2009 11:57 -----

         Birgir Már Guðmundsson <[e-mail]> 31.03.2009 11:35

To      <[e-mail]>

cc

Subject         RE: Prufa

Góðan daginn kæru vinir

Ég ætla það svo sannarlega. Ég hef heyrt veður af því að hinir nýkjörnu ætli að losa sig við þá sem voru fyrir í stjórn í kosningum að ári. Við vorum illa tekin í bólinu síðast, en ætlum við að láta þau komast upp með þetta?

Over my dead body! Ég ætla allavega að láta þau hafa fyrir því, svo mikið er víst.

Ef við stöndum saman og eflum okkur, fjölgum í röðum okkar fram að kosningum að ári þá erum við inni aftur. Við vinnum þau ef við gerum það að markmiði okkar að hvert og eitt okkar sétji sér það markmið að mæta með tvo "vini" með okkur á Aðalfundinn að ári. Helst á aðalfundinn núna. Látum þau finna fyrir okkur, hinum almenna og virka VR félagsmanni!

PS. Þið megið ekki misskilja mig, mér er ekkert illa við þau sem persónur, en mér líkar ekki þessi yfirgangur. Þau meiga ekki komst upp með þetta. Við verum að veita þeim viðspyrnu, þetta er félagið okkar og okkar hagsmunir eru undir því komnir.

Baráttu kveðja,

Birgir Már

 

Dagsskipunin er:

Ekki rugga bátnum !!

Engin má vera með hávaða !!

Kveðja

Ragnar Þór

Andlega vanheilt fólk!

Það barst ábending frá aðila á póstlista skugga þar sem honum höfðu borist "vægast sagt" vafasamir tölvupóstar. Mér fannst því rétt að verða við þessari beiðni í ljósi þess sem á undan er gengið og hvet fólk til að sýna stillingu og gæta hófs.

Bréfið:

"Með fullri virðingu fyrir þínum skoðunum og framsetningu efnis á þínu bloggi, þá vill ég biðja þig vinsamlega að fjarlægja netfangið úr bloggfærslu þinni. Í fyrsta í lagi þá er þetta netfang í eigu XXXX í öðru lagi þá er ég að fá pósta frá andlega vanheilu fólki á þetta netfang þar sem innihaldið tengist umfjöllun á blogginu þínu. Ég tek það fram að ég fagna allri málefnalegri gagnrýni á mig og mínar skoðanir og endilega haltu uppi vörn og sókn í þínu hjartans máli.

Ef þú vildir vera svo vænn að geta mín heldur með nafni og taka það fram að ég tilheyri listanum á síðunni þinni en vinsamlega taktu vinnupóstinn út."

Með virðingu og vinsemd

XXXX

Það er því meira en sjálfsagt að verða við þessari beiðni.

VR Samsærið 2.hluti.

Hér er annar póstur frá "Skuggum" þar sem fyrrverandi stjórnarmaður í VR fer ekki svo fögrum orðum um nýja formann VR.

Subject: Fwd: Kristinn Örn og Bubbi í kvöld.


----- Áframsent skeyti -----
Frá: "Gunnar Böðvarsson" Sent: Þriðjudagur, 12. maí, 2009 00:20:32 GMT +00:00 Casablanca / Monrovia
Efni: Kristinn Örn og Bubbi í kvöld.




Sæl öll, get bara ekki farið að sofa eftir að hlusta á helv. asnann !

Maður dettur svosem ekki úr stólnum við að hlusta á hann en ætli hann geri sér enga grein fyrir því þegar hann lygur ? Það var komið inná verkaskiptingu stjórnar og varaformanninn, hvernig hann gat logið svona.

Eitt sem ég hjó eftir að hann er ekki tilb. í félagsfund og væntanlega gerir ekki ráð fyrir honum. Solveig hringdi inn og var með spurningar sem komu illa við hann, m.a. launin, Gæti verið að hann fari að hugsa eitthvað eftir að hún spurði um félagsfund, en það er bara allt í fina með það.

Ósmekklegar aðdróttanir í garð Gunnars af hendi Bubba aðalega, " fallegi lúserinn minn" og að Gunnar og stjórn hafi slitið sig frá hinum og setið í glerturni.

maður var ekki hissa að Guðmundur Ingi hringdi inn og að hann er "núna" búin að taka nyja trú ! Passa sig á honum !!

Hótanir um að taka lífeyrisstjóðinn i gegn og skipta nátturulega um fólk.

Jæja þið hafið örugglega hlustað á asnann og við erum bara pirruð og svekt !


Verum dugleg að safna á listana !!


kveðja
Gunnar B.



minni á aðalfund lífeyrisstjóðsins, sem verður mánudaginn 25. maí n.k. kl. 18:15 á Grand Hótel.


Þurfum að mæta vel þar !!!

Það var fróðlegt hvernig smalað var á aðalfund lífeyrissjóðsins þar sem þessi hópur kom gagngert til þess eins að fella tillögur mínar um gegnsæi í fjárfestingum,, hlutlausa endurskoðun á bókum sjóðsins, Launaþak æðstu stjórnenda og SA úr stjórn lífeyrissjóðsins svo eitthvað sé nefnt.

Enda hefur hópurinn átt stjórnarsætin í lífeyrissjóðnum í áratugi. 

Minni á félagsfund á hótel loftleiðum í kvöld kl.19:30 

Kv.

Ragnar Þór

VR Samsærið.

Hér má sjá fyrsta hlutan af tölvupóstsamskiptum "VR Skugga".

það alvarlegasta er að núverandi stjórnarmenn og nokkrir starfsmenn eru tengdir inn í hóp af fólki sem kallar sig "Skuggar". Þessi hópur hefur formann og ritara, hittist síðasta miðvikudag í mánuði í rúgbrauðsgerðinni og sér starfsmaður VR um að slá húsaskjóli yfir hópin.

Á póstlistanum má finna nokkra starfsmenn VR og Alla stjórnarmenn sem eiga seinna árið sitt eftir eða þann helming sem ekki var skipt út síðast.

Það er grafalvarlegt ef núverandi stjórnarmenn og nokkrir starfsmenn séu að grafa undan vilja félagsmanna sem sýndu með svo afgerandi hætti að þeir vildu breytingar.  Við nýja fólkið áttum greinilega ekki að fá tækifæri frá fyrsta degi, til að sanna okkur í starfi, hlýtur að gefa til kynna að þessir aðilar vinna gegn hagsmunum félagsins.

Fráfarandi stjórn kaus að standa og falla með sínum formanni og studdi hann fram í rauðan dauðan þrátt fyrir gjörninga hans hjá lánanenfd kaupþings. Félagsmönnum blöskraði umburðalindið gagnvart slíkri fjárglæframennsku sem þar var viðhöfð og felldu dóm sem fráfarandi stjórn á afar erfitt með að sætta sig við. 

Hér má lesa póst frá Stefaníu Magnúsdóttur sem er starfsmaður VR og á sæti í stjórn félagsins. Hún var Varaformaður félagsins þegar hún ritaði þetta, daginn eftir að ný stjórn tók við völdum.

Dæmi nú hver fyrir sig:

----- Áframsent skeyti -----

Frá: "Stefania Magnusdottir"

Sent: Föstudagur, 3. apríl, 2009 23:00:44 GMT +00:00 Casablanca / Monrovia

Efni: RE: Hittingur hjá Skuggum ???

 

Sæl öllsömul og takk fyrir síðast og eins vil ég þakka öllum fráfarandi stjórnar- og trúnaðarráðsmönnum frábært samstarf með von um að við eigum eftir að starfa aftur saman að ári - a.m.k. mörg okkar :-)

 

Það hefði auðvitað verið við hæfi að þakka í gærkvöldi - hátt og snjallt - en mér fannst salurinn svo niðurdrepandi að ég ákvað að sitja á mér.

 

Hugmyndin um að hittast yfir kaffibolla síðasta miðvikudag í mánuði finnst mér mjög góð - það er um að gera að setja það inn í dagatalaið eða sem áminningu í símann - því það er svo erfitt að muna allt ! Það þarf líka að hugsa fyrir stað sem auðvelt er að komast að og hann þarf að vera nokkuð rúmgóður. Mér dettur í hug kaffiterían í Perlunni en þið hafið kannski hugmyndir um betri stað og þá er um að gera að nefna hann og úmfram allt að ákveða stað og stund. Ég er líka með hugmynd um málefnahóp sem færi í þá vinnu að endurskoða lögin þannig að svona slys gerist aldrei aftur. Fyrst þurfum við að fá inn heilt og almennilegt trúnaðarráð en á næsta aðalfundi verður að breyta lögunum -- en þá verðum við búin að fá "okkar" fólk inn -- þótt það kosti aðrar allsherjarkosningar.

 

Vanti einhvern á þennan netfangalista vona ég að þið sendið þetta áfram á þau og setjið mig gjarnan í cc svo ég geti uppfært llistann hjá mér.

 

Með VR kveðju

Níní

 

 

>

> Subject: Fw: Hittingur hjá Skuggum ???

> Date: Fri, 3 Apr 2009 20:54:59 +0000

> 

> 

> ----- Original Message -----

> From: "Gunnar Böðvarsson"

> Sent: Friday, April 03, 2009 8:49 PM

> Subject: Hittingur hjá Skuggum ???

> 

> 

> > Sæl öll og takk fyrir síðast.

> >

> >

> > Jæja, þá er dælan farin að slá hægar ! ...en það er komin fram

> > frábær hugmynd um að "viðhalda VRfjölskyldunni" -og ekki síst

> > vinskapnum og samheldninni.

> >

> > Væri ekki sniðugt til að halda hópinn og hittast t.d. einu sinni í

> > mánuði eftir vinnu og fá okkur saman kaffibolla á einhverju kaffihúsi miðsvæðis.

> > Auðvitað komast ekki allir en þeir sem eru lausir koma kannski.

> >

> > Þetta mætti vera t.d. síðasti miðvikudagur í hverjum mánuði...til að

> > koma með hugmynd.

> >

> > Svona kaffihittingur er ekki hugsað til fá uppl. um nyja formanninn

> > eða stjórn ( nema menn vilji skemmta okkur !!) (grín).

> >

> >

> > Vinsaml. takið eftir að Benni er komin með heima-email.

> > [e-mail] gengur illa að komast í gegn og emailið hjá Stefaníu

> > líka.

> >

> > Ég var að reyna að "plata" Jóhönnu til að búa til svona hópa í

> > tölvunni hjá sér. Ég kann það ekki. Stjórn ( einn hópur) Trúnaðarráð

> > (einn hópur) .

> > Kannski einh.fleiri hugmyndir.

> >

> >

> > ......væri gaman að heyra frá ykkur með kaffihitting . Svo förum við

> > að fara rólega af stað. 12 mán. til stefnu að næstu kosningu !!!

> >

> >

> > kveðja

> > Gunnar B

 

Ég mun birta fleiri tölvupósta í vikunni.

Bylting þessara aðila er hafin og er búið að boða til félagsfundar á fimmtudagskvöldið þar sem fyrsta atlagan að nýja fólkinu verður gerð.

 

Ragnar Þór Ingólfsson 

Stjórnarmaður í VR.