Af hverju í ósköpunum fara Lífeyrissjóðirnir ekki í mál við stjórnendur Kaupþings?

Þetta er "milljón dollara spurningin". 

Niðurfelling ábyrgða hlýtur að skerða það sem eftir verður til að greiða kröfuhöfum "okkur".

Vafasöm lán án ábyrgða hljóta að koma verst niður á hluthöfum "okkur". 

Lífeyrissjóður verslunarmanna tapaði að lágmarki 60-70 milljörðum af ævisparnaði okkar á þroti Kaupþings með beinum og óbeinum hætti krosseignatengsla,skuldabréfalána og gjaldeyrissamninga.

Fjárfesting LV í Kaupþingi með beinum og óbeinum hætti var lang, lang stærsta fjárfesting sjóðsins. 

Þá kemur milljón dollara spurningin. Af hverju fara þeir ekki í mál við stjórnendur Kaupþings? 

Æ! nú man ég Gunnar Páll Pálsson formaður VR og stjórnarformaður LV var í stjórn Kaupþings og samþykkti þessa gjörnunga, konan hans vinnur þarna eins og Kona og sonur Þorgeirs Eyjólfssonar Forstjóra LV en sonurinn starfar samkvæmt enska starfsheitinu  VP - Investment Banking at Kaupthing Bank. 
Eða svo segir hann sjálfur og dóttir hans er á fruminnherjalista, sem vara.stj.maður hjá Lýsingu sem er í eigu Exista sem var stærsti eigandi Kaupþings,LV var einn stærsti eigandi Exista.
Guðmundur B. Ólafsson Lögmaður VR   Nanna E. Harðardóttir, forstöðumaður í Kaupþing banka, er eiginkona Guðmundar hún starfar við útlánaeftirlit Kaupþings (sem er innan áhættustýringar) og er sambærileg staða og Tryggvi Jónsson var í í Landsbankanum.Þau tvö voru svo á lista Morgunblaðsins yfir þá starfsmenn sem talið var að hefðu fengið lán sín afskrifuð hjá Kaupþingi.

Spurningin er ekki hvort eitthvað af þeim sjálfum hafi notið góðs af vildarsamningum og niðurfellingum ábyrgða heldur hversu mikið hagnaðist þessi hópur á vildarkjörum?

Eitt er víst að ekki hafa ofangreindir aðilar séð ástæðu til að gera hreint fyrir sínum dyrum varðandi hugsanlegra hagsmunatengsla og vildarkjara. Af hverju? Er eitthvað að fela? Var niðurfelling ábyrgða starfsmanna Kaupþings í þágu félagsmanna VR og LV eins og Gunnar sver við?

Vandamál lífeyrissjóðs verslunarmanna er að staða þeirra er verri en Stoðir eru í gagnvart Glitni varðandi málshöfðun. Það kemur hinsvegar ekki í veg fyrir að aðrir stórir sjóðir geti farið í mál við stjórnendur gamla kaupþings en vegna innbyrðis tengsla þessara aðila sem stjórna stærstu sjóðunum í gegnum fjárfestingar sínar og setu í LL "landsambandi lífeyrissjóða" þá hef ég ekki mikla trú á að eitthvað verði gert í þeim efnum. 

Ég vona að þeir sem vinna dag og nótt fyrir framan pappírstætarana og tæta í sundur ábyrgðir Elítunnar eins og engin sé morgundagurinn, eigi eftir að koma fram og segja hið sanna.

Kanski er ég of dómharður, kanski voru þeir Þorgeir,Guðmundur og Gunnar með mína hagsmuni að leiðarljósi allan tímann þó ég sjái það alls ekki. 

Kanski er það ekki merki um Valdahrokan í Þorgeiri að neita að tjá sig um þessa ömurlegu stöðu sjóðsins og sendir þess í stað skósveina á borð við Gunnar til að taka skellinn.

Kanski er ég bara svo barnalegur í eðli mínu að standa í þessu "skítkasti".

Kanski eru þetta hinir mestu sómadrengir. "kanski" ????

Það væri nú gaman að heyra þeirra hlið á málunum, svona til tilbreytingar.

10 góðar ástæður til að leggja niður Lífeyrissjóði og byrja að vaska upp.

Í ljósi þess sem á undan er gengið er nauðsynlegt fyrir Ríkið "skattgreiðendur" að leysa til sin Lífeyrissjóðina.

Lífeyrissjóðirnir hafa verið staðnir að því að fjárfesta í félögum sem vísvitandi veðjuðu á fall krónunnar  með skelfilegum afleiðingum.

1. Lífeyrissjóðirnir hafa vísvitandi reynt að fela taprekstur sjóðanna þá sér í lagi á falli bankana til að hvít þvo sjálfa sig og viðhalda þeim gríðarlegu völdum sem sjóðirnir hafa í samfélaginu.

2. Lífeyrissjóðirnir hafa reynt að kúga fjármálastofnanir "Ríkið,skattgreiðendur" til að skuldajafna skuldabréfaeign sjóðanna í bönkunum á móti tapi á gjaldeyris samningum með því að neyta aðkomu að endurreisn þjóðarbúsins ef ekki verði gengið að kröfum þeirra.  Tapið er staðreynd, hverjir borga? Skattgreiðendur eða Skattgreiðendur.

3. Stjórnendur lífeyrissjóðanna hafa rekið þá sem sýna eigin með fjárfestingum sem hafa tryggt þeim mestu völdin í samfélaginu og ekki séð ástæðu til að vinna að grunnhagsmunum sjóðsfélaga sem eru fasteignir okkar,lífeyrir og þjónustuíbúðir þegar að vinnuskyldu líkur.

4. Gríðarleg mismunun sjóðsfélaga þar sem sumir fá greitt en aðrir fá ekkert ef þeir ná ekki að komast á lífeyrisaldur ógiftir og barnlausir.Ömurlegar aðstæður heimavinnandi kvenna sem misst hafa fyrirvinnu og fá einungis skerrtan makalífeyri í nokkur ár, Þrátt fyrir að vera hjón,vera eitt fyrir Guði og mönnum, þurfa að skrifa bæði upp á lánin hjá sjóðunum og borga alla upphæðina þó annað falli frá, vera samsköttuð osfrv. þá gætir engan vegin jafnræðis hvað þetta varðar.

5. Gríðarlegur rekstrarkostnaður sjóðanna enda eru þeir alltof margir. Í landssambandi lífeyrissjóða eru 33 lífeyrissjóðir og eru þeir ekki allir taldir. Hvað kostar að halda uppi  39 forstjórum á ofurlaunum á 39 lúxusjeppum með 39 starfslokasamninga sem sinna 39 mismunandi sérhagsmunum "ekki sjóðsfélaga" osfrv. í ljósi þess að fjárfestingastefnur og eignaskipting nokkra stærstu sjóðanna er nákvæmlega eins.

6. Sjóðirnir eru að verða enn valdameiri vegna þess að þeir eru einu aðilarnir á markaðnum sem eiga laust fé til að fjárfesta í gjörspilltu og siðblindu atvinnulífi. Eftir lagabreytingu lífeyrissjóðanna sem samþykkt var 16. desember síðastliðinn en þá skrifuðu ráðamenn þessa lands undir lagabreytingu sem veitir þessum aðilum nær ótakmarkaða heilmid til fjárfestinga þá sér í lagi á hlutabréfamarkaðnum og í óskráðum félögum. þar sem sjóðirnir hafa tapað nánast öllu hlutafé sínu er þetta eins og að rétta "dauðadrukknum manni bíllykla".

7. Sjóðirnir standa það illa að þeir eiga ekki fyrir lágmarks lögbundinni lífeyristryggingu þ.e. 56% af meðalmánaðarlaunum eftir 40 ára starf. Þannig að sjóðirnir eru í raun tæknilega gjaldþrota og alveg eins gott fyrir ríkið að nýta þá fjármuni sem eftir eru til að bjarga þjóðarbúskapnum ,enda ábyrgir fyrir þessari tryggingu hvort sem er, tímabundið þar til önnur leið er fær m.a. að skipta upp 12% iðgjaldi annars vegar í séreign og hinsvegar í almannatrygginguna "maka-barna- og örorkulífeyri" 0% rekstrarkostnaður myndi svo tryggja síðastnefnda hópnum mannsæmandi bætur.  

8. Sjóðirnir og bankar selja okkur séreignasparnað með því að telja okkur trú um að við verðum milljónamæringar á því að leggja 4% til viðbótar í séreign á meðan við þurfum að líftryggja okkur í bak og fyrir, því hvorki við né fjölskyldur okkar eigum möguleika á að lifa mannsæmandi lífi á þeim 12% sem við greiðum nú þegar.

9. Lífeyrissjóðirnir í þeirri mynd sem þeir starfa hafa gert verkalýðshreyfinguna óstarfhæfa vegna tengsla sinna við sjóðina, Samtök Atvinnulífsins og tengingar sjóðanna inn í Banka og fjármálakerfið þar sem verkalyðsforingjar sitja báðum megin borðs við ákvarðanatökur sem snúa að hagsmunum beggja, þá aðallega sinna persónulegu. Einnig er nær ómögulegt fyrir hinn hefðbundna sjóðsfélaga að komast til áhrifa hjá sínum lífeyrissjóði og útilokað ef hann gerir það á gagnrýninn hátt.

10. Tíunda atriðið ætla ég að fela þeim sem hér skrifa og vilja bæta við, því af nógu er að taka................................................................................................................................ 

 X. kafli. Umsjónaraðili, slit og samruni.
46. gr. Fullnægi lífeyrissjóður ekki lengur skilyrði laga þessara til þess að öðlast starfsleyfi, sbr. V. kafla, reynist lífeyrissjóður ekki gjaldhæfur að mati [Fjármálaeftirlitsins],¹⁾ brjóti hann gegn ákvæðum laga þessara, reglugerðum og reglum settum samkvæmt þeim, staðfestum samþykktum lífeyrissjóðs eða sé rekstri hans ábótavant og kröfum [Fjármálaeftirlitsins]¹⁾ skv. 44. gr. ekki sinnt er ráðherra heimilt að skipa lífeyrissjóði umsjónaraðila um tiltekinn tíma að fengnum tillögum [Fjármálaeftirlitsins].¹⁾
Stjórn og framkvæmdastjóri lífeyrissjóðs skulu víkja frá störfum þann tíma sem umsjónaraðili starfar. Tekur umsjónaraðili við réttindum og skyldum þessara aðila eftir því sem nánar er kveðið á um í erindisbréfi hans sem ráðherra gefur út. Kostnaður við starf umsjónaraðila greiðist af viðkomandi lífeyrissjóði.
   ¹⁾L. 84/1998, 7. gr. 

Kær Kveðja

Ragnar Þór Ingólfsson 

Veittu fólki lán en veðjuðu á veikingu!

„Þetta þarf að rannsaka, og ekki síst þátt stóru hluthafanna,“ segir Arnar Sigurmundsson formaður Landssamtaka lífeyrissjóða.

Hverjir voru stóru hluthafarnir ?

Stóru hluthafarnir voru meðal annars lífeyrissjóðirnir sjálfir. Lífeyrissjóður Verslunarmanna og Gildi voru t.d. meðal stærstu eigenda Kaupþings banka.

Sameiginlegur eignahlutur þessara tveggja sjóða.

Kaupþing 7%

Exista (stærsti eigandi Kaupþings og stór eigandi í Bakkavör) 8%

Bakkavör (stór eigandi í Kaupþingi) 15%

Af hverju blanda ég þessum tveimur sjóðum saman? Vegna þess að fjárfestingar þessara tveggja sjóða í tuttugu stærstu fjárfestingum sínum voru nánast nákvæmlega eins.

Þessi gögn er hægt að nálgast hjá Kauphöllinni yfir (tuttugu stærstu fjárfestingar LV og Gildi) Það er nóg að fá þessi gögn fyrir annan hvorn sjóðin enda fjárfestingarnar nánast þær sömu og hreyfingar fjárfestinga á milli mánaða skuggalega líkar.  

Kanski að fólk fari að átta sig á því að stjórnarseta Gunnars Páls Formanns VR í Kaupþingi var meira en óheppileg.  

Ragnar Þór 

 

Veittu fólki lán en veðjuðu á veikingu

Bravó!

Það er ekki að spyrja að því! Nú er kostningabaráttan byrjuð hjá Gunnari Páli.

Undir venjulegum kringumstæðum hefði þessi yfirlýsing komið frá ASÍ en til að halda hinu nauðsynlega stöðuga lýðræði innan verkalýðshreyfingarinnar mun ASÍ elítan leyfa Gunnari að njóta góðs af athyglinni sem forsprakka allra hugmynda til að stiðja við bakið á auralausum almúganum á meðan vildarvinir hans úr Kaupþingi sólunda ókeypis fé sínu í lífsins listisemdir.

Hér eru nokkrar hugmyndir sem myndu fá mitt atkvæði.

1.Samtök Atvinnulífsins frá sem ráðandi afl í lífeyrissjóðunum.

2.Afnám verðtryggingar. ( þarf ekki að vera einhliða )

3.Aukna ábyrgð lánveitenda í útlánum.

4.Endurskoðun á aðfararlögum.

þetta eru fjögur grunnmannréttindarmál alþýðunnar sem verður að endurskoða.

Vandamálið er að verkalýðsforystan er svo samtvinnuð SA að ómögulegt er fyrir mann eins og Gunnar að beita sér fyrir svo mikilvægum málum. Hann getur einungis gefið fólki að borða sem á ekki fyrir mat í stað þess að berjast fyrir raunverulegum hagsmunum alþýðunnar. 

Skoða örlán til VR-fólks

Niðurfelling ábyrgðar lögleg!

Hvers konar fyrirsögn er þetta á forsíðu fréttablaðsins og hvaða tilgangi þjónar hún? Morgunin eftir Kastljósið þar sem Gunnar Páll sat fyrir svörum og kom ekkert sérstaklega vel út að mínu mati.

Þarna er vitnað í skýrslu sem "Prófessor" Viðar Már Matthíasson skrifaði og fékk greitt fyrir að gera af stjórn "Nýja Kaupþings".

Eins og nýja Kaupþing sé allt annað og miklu betra en það gamla.Það kemur líka fram í fréttinni að einhver Helgi Sigurðsson segist bera ábyrgð á niðurfellingunni fyrir hönd Bankans??

Tyrkir voru réttdræpir í eina tíð, ekki veit ég um manntjón af þeim sökum.

Þetta er ekki alltaf spurning um lög og reglur heldur siðferði. 

Það getur hver sem er keypt sér skoðanir á hverju sem er.

Ekki að ég haldi fram að Viðar Már sé með óhreint mjöl í pokanum og fari vísvitandi með rangt mál en það eru örugglega til margir lögfróðir menn sem eru öðru máli en þessi ágæti prófessor. Við fáum eingöngu að heyra hans hlið á málinu á forsíðu fréttablaðsins undir fyrirsögninni "þetta var í lagi".

Hvernig væri að Nýja Kaupþing birti lista yfir þessi vildarrán "afsakið" vildarlán starfsmanna og vildarviðskiptavina og ráða óháðan erlendan aðila, skipuðum af sauðsvörtum almúganum til að gefa álit eða skrifa einhverja 100 blaðsíðna skýrslu. 

Fjárkúgun er rétta orðið.

Ég hef oft orðið hissa á málflutningi Lífeyrissjóðanna en nú hafa þeir farið yfir allt velsæmi. 

Þeir vilja ekki gefa upp hrikalega stöðu sjóðanna og gífurlegan taprekstur vegna þess að þeir reyna eins og engin sé morgundagurinn að færa tap á gjaldeyrisskiptasamningum sem þeir hafa stórgrætt á undanförnum árum yfir á þrotabú bankanna (ríkið) og þannig koma tapinu yfir á skattgreiðendur.

Þar af leiðandi hvít þvo þeir sjálfa sig af eigin taprekstri.

Annað athyglisvert er að lífeyrissjóðrinir reyna einnig að ná fram skuldajöfnun á skuldabréfaeign sjóðanna í gjaldþrota bönkum og fyrirtækjum. Aftur á að reyna að koma tapinu yfir á skattgreiðendur og fyrir vikið verða sterkasta valdið í landinu í krafti lausafjárstöðu sinnar.

Tapið er staðreynd. Hver á að Borga? Við eða Við?

Þeir ætla að þvinga Ríkið og alþýðuna sem á þessa peninga um tilfærslu á taprekstri svo að sjóðirnir verði einráðir á lausajármarkaðnum með tilheyrandi völdum.  Þeir ætla ekki að koma að uppbyggingu þessa lands nema að kröfum þeirra verði farið.

Við getum ekki liðið svona kúganir.

Ríkið verður að grípa inn í og leysa til sín þessa Ósjóði. 

Það er ömurlegt að horfa upp á þessa sömu menn og eru búnir að tapa öllu hlutafé eins og í LV sem fóru fyrir hópi SA og LL inn á Alþingi og fengu rýmri heimildir til að fjárfesta í hlutabréfum í gjaldþrota og gjörspilltu atvinnulífi sem aldrei fyrr.

Þeir hefðu réttilega átt að fara fram á það við ríkið að leysa til sín sjóðina og sameina þá í einn.

Hvað kostar að reka 37 Lífeyrissjóði með 37 forstjóra á 37 forstjórajeppum sem vinna fyrir 37 mismunandi hagsmunaaðila.

Ragnar Þór. 

 

Lífeyrissjóðir fjármagni framkvæmdir?

Viðtal við formann VR.

Það kom á óvart í viðtali við Gunnar Pál á Bylgjunni í morgun hversu snjall pólitíkus hann er. Hann náði að stýra umræðunni sér í vil og sneiddi afar nett framhjá vandræðalegum og óafsakanlegum afglöpum sínum í starfi.
Það lá við að tárvot hvolpa augun sæust í gegnum útvarpið.

Hvar í fjandanum hefur verkalýðsforystan verið síðustu þrjá mánuði þegar hvað harðast hefur verið sótt að launafólki að það á sér vart hliðstæðu?

Launalækkanir, uppsagnir, atvinnuleysi, verðhækkanir, verðbólgan, Vaxtastigið, Ríkisstjórnin.

Ekki hefur heyrst hóst né stuna frá formanni VR.

Þessum tíma hefur Gunnar Páll varið í baklandskönnun fyrir áframhaldandi formannssetu með köku- og matarboðum trúnaðarmanna eftir að upp komst um glórulausa gjörnunga hans sem stjórnamanns í Kaupþingi.

Viðtalið á Bylgjunni í morgun:

Hann telur að tap VR vegna bankahrunsins sé ekki nema 5% af heildareignum “En það er það sem bankarnir segja mér” sagði hann. “Bankarnir sjá um fjárfestingar sjóðsins” bætir hann við. 

Gunnar er viðskiptafræðingur að mennt ,formaður VR, stjórnarformaður LV og stjórnarmaður gamla Kaupþings.

Veit hann ekki hvernig bankarnir fjárfestu peningum VR? Veit hann ekki í hvaða hlutabréfasjóðum var fjárfest í fyrir 550 milljónir? Veit hann ekki í hvaða bönkum, fjármálastofnunum og fyrirtækjum VR átti 3,3 milljarða skuldabréfaeign? Hvað með tap á erlendu skulda- og hlutabréfasafni? 

Gunnar segir tapið 5% og verið sé að bíða eftir “hugsanlegri skuldajöfnun” á skuldabréfaeign félagsins.

Það er líklegra að gamla knattspyrnu félagið mitt Leiknir Reykjavík vinni meistaradeildina í fótbolta en að tap VR sé einungis 5%.

“Skuldajöfnunin” sem á aldrei eftir að koma, þýðir að bankarnir bæti tjón VR vegna tapaðra skuldabréfalána og færa tapið yfir á skattgreiðendur sem þurfa þar af leiðandi að taka á sig stærri skell vegna skuldbindinga gömlu bankanna með t.d. greiðslum á ríkistryggðum innlánum að viðbættum afkriftum skulda lykilstarfsmanna og vildarvina Kaupþings sem Gunnar sjálfur kvittaði undir sem stjórnarmaður gamla kaupþings.

Gunnar Páll er að segja okkur að bankarnir séu að skoða tapflutning VR yfir á skattgreiðendur.

Tapið er staðreynd, Hver á að borga?

Þegar Gunnar tekur við sem formaður VR breytist verkalýðsfélagið í þjónustumiðstöð fyrir VR félaga, þá sem vilja sumarbústað á leigu, niðurgreidd líkamsræktarkort osfrv.

Félagsmenn skulu sjá um að semja um sín laun sjálfir enda ekki í verkahring Gunnars Páls?? Halló !!!

Vitanlega eru markaðslaun hærri hjá stórum hópi félagsmanna sem skýrist af framboði og eftirspurn eftir vinnuafli en ekki af einka afrekum formanns VR.

Gunnar skilur ekki að stór hópur félagsmanna er ekki í aðstöðu til né hefur bein í nefinu til að semja um sín laun sjálfir enda hafa margir félagsmenn setið eftir með sárt ennið í launaskriði undanfarinna góðæris ára.

Hvað með þetta fólk.

Hvar í fjandanum hefur Gunnar Páll verið eftir að kreppan skall á, þegar hvað harðast er sótt að launa og fjölskyldufólki.

Gunnar Páll hefur verið að sýsla ýmislegt frá bankahruninu eins og að fá auknar heimildir fyrir lífeyrissjóðina til að fárfesta í hlutabréfum sem aldrei fyrr, fá í gegn eignaupptökulið til að geta leigt sjóðsfélögum íbúðir sínar þegar búið er að hirða þær upp í skuldir sem lífeyrissjóðirnir áttu stóran þátt í að stofna til og að lokum hefur hann reynt sem aldrei fyrr að þegja af sér Kaupþingsskandalinn og styrkja sína eigin stöðu innan félagsins.

Meðan félagsmönnum blæðir og er ýtt til hliðar hugsar Gunnar um eigin rass.

Ég held að flestir VR félagar, einstaklingar og fjölskyldufólk séu með sín mál nokkuð á hreinu t.d. séreignasparnað, líftryggingar og barnatryggingar, barnakaskó,brunatryggingar, brunakaskótryggingar,innbústryggingu og innbúskaskótryggingu og kaskó-kaskó tryggingar eða hvað þetta nú alltsaman heitir.

Ég er sjálfur tví líftryggður og með séreignasparnað því að Lífeyrissjóðurinn sem ég greiði 12% af launum mínum í alla ævi getur ekki séð mér fyrir mannsæmandi lífs viðurværi eftir að vinnuskyldu minni er lokið.

Ég held að ég vilji ekki borga í VR lengur þar sem tryggingar mínar dekka flest allt það sem Gunnar telur VR standa fyrir í dag. Það eru eflaust til nóg af lögfræðinum sem telja sig geta sótt mál á atvinnnurekendur fyrir mína hönd eins og að sækja slysabætur þar sem viðkomandi greiðir fyrir þjónustuna ef árangur næst með samkomulagi eða málssókn.

Er VR orðin enn einn milliliðurinn í velferðarkerfinu því ekki getum við flokkað VR sem verkalýðsfélag við núverandi aðstæður.

Ragnar Þór Ingólfsson

Stjórn VR langþreytt?

Já það er orða sönnu að stjórn VR er langþreytt.

Hvernig getur stjórn VR verið langþreytt á einhverju lagabulli sem ég hef áreiðanlegar heimildir fyrir að séu undan þeim sjálfum runnar. Stjórnin hefur nú ekki látið mikið að sér kveða þegar svo hart er sótt að félagsmönnum að það á sér vart fordæmi.

Ég hef undir höndum gögn m.a. frá Lögfræðingi VR um túlkun kosningalaganna sem er á þá leið að heildarframboð gegn sitjandi stjórn sé löglegt. Einnig hefur Gunnar Páll Formaður VR tjáð sig opinberlega um þessi mál þar sem hann telur mjög líklegt að mótframboð kæmi gegn uppstillingalista trúnaðarráðs VR.

Það var svo aðili innan ASÍ sem sér um framkvæmd kosningarinnar sem benti á að hin flóknu kosningalög VR stæðust ekki og heilt mótframboð því ekki löglegt.

Var þetta flétta frá Gunnari Páli og hans fólki til að ljúga sig áfram til valda eða er forysta VR og stjórn ekki betur inní málunum en þetta?

Var niðurfelling ábyrgða starfsmanna Kaupþings í þágu félagsmanna VR og LV eins og Gunnar sver við.

Gunnar Páll Pálsson Formaður VR og Sjórnarformaður LV (Lífeyrissjóðs Verslunarmanna) kona Gunnars vinnur í Kaupþingi.

Guðmundur B. Ólafsson Lögmaður VR   Nanna E. Harðardóttir, forstöðumaður í Kaupþing banka, er eiginkona Guðmundar hún starfar við útlánaeftirlit Kaupþings (sem er innan áhættustýringar) og er sambærileg staða og Tryggvi Jónsson var í í Landsbankanum.Þau tvö voru svo á lista Morgunblaðsins yfir þá starfsmenn sem talið var að hefðu fengið lán sín afskrifuð hjá Kaupþingi.

Þorgeir Eyjólfsson Forstjóri LV Kona hans er starfsmaður Kaupþings og sonur hans Lýður Þór starfar á fyrirtækjasviði Kaupþings. Dóttir hans var á fruminnherjalista hjá Exista sem varastj.maður en Exista var stærsti eigandi Kaupþings.

Talið er að tap Lífeyrissjóðs Verslunarmanna og VR á falli kaupþings sé á bilinu 60-70 milljarðar.

Einnig er talið að Þorgeir og Gunnar hafi tapað um helmingi af öllum eignum VR og LV með braski sínu. Peningar sem áttu að tryggja okkur áhyggjulaust ævikvöld.

Vita þessir 9 stjórnarmenn fyrir hverja þeir eru að vinna?

  

Stjórn VR langþreytt á rangfærslum

Þeir sem völdin hafa.

það er mín skoðun að hin eiginlegu völd í þjóðfélaginu koma frá pólitískt skipuðum nefndum og ráðum. þessar nefndir og ráð móta stefnur, ráða í opinberar stöður og stjórnir á "sérlega hlutlausan hátt" osfrv. þessar opinberu nefndir og ráð eru líklega á bilinu 600-800 talsins og eru skipaðar af flokkselítunni.

Þessi valdasamsetning á sér langa sögu og hefur tryggt valdaelítu þessa lands "söðugt lýðræði".

Það sem merkilegt er að þessi völd ná vel út fyrir hinn eiginlega pólitíska ramma og eru engu minni í verkalýðshreyfingunni og lífeyrissjóðunum.

Forseti ASÍ Gylfi Arnbjörnsson er virkur meðlimur í flokks elítu Samfylkingarinnar og hefur lengi klæjað í fingurnar að komast á þing, ekki þarf að tíunda tengsl VR og Sjálfstæðisflokksins,Ögmund Jónasson og BSRB osfrv.

Þessar sterku pólitísku tengingar verkalýðsforystunnar eiga sér langa sögu og eru Samtök Atvinnulífsins þar í stóru hlutverki.

Í hinum endalausu ráðum og nefndum sem fara með hagsmunamál alþýðunnar ásamt sætum í stjórnum lífeyrissjóða eiga iðulega til helminga verkalýðsforystan og samtök atvinnulífsins. Þetta tryggir þann stöðugleika sem valdhaföfum þessa lands er mikið í mun að sé til staðar enda tryggir stöðugleiki á vinnumarkaði "stöðugt lýðræði"

Þessi hjúskaparheit SA og ASÍ gera það að verkum að þessi hagsmunaöfl eru sífellt að vinna saman í gegnum nefndir og stjórnir. 

Hinir eiginlegu hagsmunir beggja er "Stöðugleiki". Stöðugleiki tryggir völd þessara aðila sem eru ofar hagsmunum launafólks. Hagsmunir launafólks er vissulega stöðugleiki en þegar launatölur eru skoðaðar,vinnuframlag og samningagerð stéttarfélagana er alltaf hallað á launafólk. Enda þarf ekki að fara mörgum orðum um vinnuframlag,verðtryggingu,skiptingu á ábyrgðum útlána til launafólks og lánveitenda,afnámi verðtryggingar launa ásamt himinháu vaxtastigi sem heldur alþýðunni í gíslingu.

Man einhver eftir því þegar verkalýðsforystan samdi um aukin framlög í lífeyrissjóðina á kostnað launahækkana, sem er gott dæmi um samstarf ASÍ og SA enda finnst mér alltaf jafnbroslegt þegar ASÍ lofsyngur Samtök Atvinnulífsins.ASÍ telur þau vera lífsnauðsynleg og órjúfenlegan þátt sem ráðandi afl í Lífeyrissjóðunum.

Megin vandinn hlýtur að liggja í því að launafólk getur ekki valið í hvaða stéttarfélagi það er í.

Stéttarfélagi er úthlutað starfsmanni sem greiðir allt að 1% af launum sínum hvort sem honum líkar betur eða verr. Fjöldi félagsmanna liggur því ekki í hversu góð störf viðkomandi stéttarfélag hefur unnið fyrir félagsmenn sína heldur í hvaða atvinnugrein hann/hún starfar í.Það má því setja spurningarmerki um hina eiginlegu hagsmuni sem stjórnendur stéttarfélagana þjóna þ.e. félaga sinna eða sinna eigin hagsmuna og þeirra valda sem skapa starfsumhverfi félagana og mynda "Stöðugleikan". 

Það er alltaf gaman að skoða dæmi um tengingar en hér er dæmi um nefndarsetu Ingibjargar R.Guðmundsdóttir sem gegnir starfi sem framkvæmdastjóri Landssambands íslenzkra verzlunarmanna og er varaformaður ASÍ.

Hvað ætli hún fái í laun fyrir öll þessi nefndarstörf og stjórnarsetu utan við það sem henni er borgað fyrir störf sín sem framkvæmdastjóri. Hvernig getur eitthvað gott og með viti komið út úr svo þéttskipuðu prógrammi?

Þetta minnir mig á þegar 17ára strákur kom til mín og var að sækja um vinnu,hann rétti mér stoltur plagg með nöfnum 14 vinnuveitenda sem hann hafði unnið hjá og taldi vera til marks um mikla reynslu. Ég bennti honum á að þetta væri nú ekki það besta sem hann gæti lagt fram sem meðmæli ef ég ætti að treysta honum fyrir því starfi sem ég var að ráða í. 

í mörgum þessum nefndum og stjórnum eiga Samtök Atvinnulífsins sæti. 

Dæmi:

Ingibjörg R. Guðmundsdóttir,

Varaforseti ASÍ

Stjórn Lífeyrissjóðs Verslunarmanna Stjórnarmaður

Formaður Landssambands íslenzkra verzlunarmanna

Trúnaðarráð VR

Samstarfsnefnd um starfsnám á framhaldsskólastigi: Staða: Aðalmaður

Alþjóðanefn Formaður (Fastanefndir ASÍ)

Mennta og Útbreiðslunefnd (Fastanefndir ASÍ)

Lífeyrisnefnd varamaðaur (Fastanefndir ASÍ)

Skipulags og starfsháttanefnd formaður (Fastanefndir ASÍ)

Laganefnd (miðstjórn ASÍ)

Launanefnd (miðstjórn ASÍ)

Starfs-og Fjárhagsnefnd (miðstjórn ASÍ)

Stjórn Kirkjugarða Reykjavíkurprófastsdæma

Sóknarnefnd Neskirkju Formaður

Skólanefnd félgasmálaskóla alþýðu (Ríkið)

Starfsmenntaráð Varamaður (Ríkið)

Stjórn Atvinnuleysistryggingasjóðs Stjórnarmaður(Ríkið)

Stjórn Vinnumálastofnunar Varamaður (Ríkið)

Stjórn Starfsmenntasjóðs Verslunar og Skrifstofufólks Stjórnarmaður

Skólanefnd Verslunarskóla Íslands, Varaformaður

Stjórn Evrópufræðiseturs á Bifröst Stjórnarmaður

Einnig sinnir hún fleiri nefndar og trúnaðarstörfum m.a. fyrir VR.

Kveðja

Ragnar Þór Ingólfsson

ASÍ, Hagsmunagæsla alþýðunnar?

ASÍ,VR og LV.....
Hvar á maður eiginlega að byrja..
Ingibjörg varaforseti ASÍ og stjórnarmaður í LV með skrifstofu hjá VR, kvittaði undir ofurlaun Þorgeirs forstjóra með bros á vör og hefur setið við hlið Gunnars Páls sem sat fyrir þeirra hönd í stjórn gamla kaupþings.

Sem stjórnarmaður undanfarinna ára í LV fyrir hönd alþýðunnar hefur hún því athugasemdalaust kvittað undir vafasama kaupréttarsamninga, ofurlaun stjórnenda, niðurfellingu ábyrgða vildarvina og lykilstjórnenda.

það er því alltaf frekar broslegt að sjá ASÍ skötuhjúin Gylfa og Ingibjörgu mótmæla eigin gjörningum enda eru þau strengjabrúður Samtaka Atvinnulífsins frekar en málsvarar réttlætis.

Veit ekki hvort Ingibjörg skilji þá ábyrgð sem felst í því að vera stjórnarmaður, eitt er víst að hún er í fleiri stjórnum og nefndum en fingur beggja handa geta talið og í ljósi þess kanski skiljanlegt að hún hafi ekki tíma né krafta til að sinna smærri málum eins og réttindabaráttu launafólks.