Verkalýðsforysta á Villigötum: Myntkörfulán og Úrræðin góðu!

Heimilin í sjálfskuldarábyrgð!

Við skoruðum á stjórnarmeirihluta VR að beita sér fyrir:

Raunverulegum úrræðum vegna myntkörfulána og stökkbreyttum höfuðstól húsnæðislána og hafni því úrræðaleysi sem í boði er.

Sjá svör mín með bláu en svör meirihlutans með rauðu. 

Hér er fullyrt að öll núverandi úrræði séu "óraunveruleg". Ekki er hægt að taka undir það þó þau henti fólki misjafnlega.  Úrræði af þessi tagi verða að vera efnahagslega og samfélagslega framkvæmanleg og gæta þarf jafnræðis og réttlætis. Stjórnvöld, í samráði við aðila vinnumarkaðarins - og þar með VR - eru að vinna og þróa frekari úrræði í gegnum stöðugleikasáttmálann. Vonandi kemur afrakstur þeirrar vinnu bráðlega í ljós.

Þarf að gæta jafnræðis og réttlætis? Ætli úrræðin verði tilbúin þegar dómstólar verða búnir að dæma þau ólögleg? Það er ekki seinna vænna að afraksturinn fari að skila sér 1 1/2 ári eftir hrun.Hvað hafa margar fjölskyldur gefist upp nú þegar eða þvingaðar til að afsala sér fjárhagslegu sjálfstæði sínu.

Þegar Lýsing og Kaupþing voru að ráðleggja fólki að taka myntkörfulán sem ÖRUGGA fjármögnun, voru eigendurnir, Exista og Kjalar að taka stórkostlega stöðu gegn íslensku krónunni og fara nú fram á yfir 300 milljarða eða umþb. 1/2 Icesave í uppgjör á slíkum samningum sem þeir gerðu við lífeyrissjóðina og fólkið í landinu í gegnum Kaupþing og Lýsingu, félög í þeirra eigu. 

Þeir settu heimilin í sjálfskuldarábyrgð fyrir gegndarlausu fjármálasukkinu.

Það er með ólíkindum að hugsa sér að þessir skrúðkrimmar komi jafnvel út í plús með því einu að skuldajafna framvirkum gjaldmiðlasamningum á móti botnlausri skuldsetningu félaga í þeirra eigu.

Ég fullyrði hér með að úrræðaleysið sem stendur fólki til boða á ekkert skylt við raunverulegt siðferðislegt réttlæti.

Af hverju í ósköpunum tekur verkalýðsforystan, sem er að velta yfir 10 milljörðum á ári, ekki af skarið og ályktar gegn myntkörfulánunum sem eru að sliga fjölskyldur fjölda félagsmanna okkar.

Við höfum markaðslaunakerfi og þurfum að semja um launin okkar sjálf. Forsendubrestur verð- og gengistryggðra lána kemur verkalýðshreyfingunni ekki við og þeir sem vilja sækja rétt sinn borga það úr eigin vasa.

Fyrir hverja er meirihluti stjórnar VR að vinna? Í dag er lánskjarabaráttan ein eftir. Því sami meirihluti samþykkti án fyrirvara eina mestu kaupmáttarrýrnun í sögu félagsins með síðustu kjarasamningum. 

Ég fullyrði hér með að núverandi úrræði eru til háborinnar skammar.

Hvernig er hægt að ætlast til að fólk taki á sig þann griðarlega skuldabagga sem hangir yfir okkur, í formi hærri lána, hærri skatta, skertari heilbrigðisþjónustu, hærra vöruverði þar sem yfirskuldsett eignarhaldsfélög þurfa að hækka vöruverð til að geta borgað skuldir eigenda sinna.

Myntkörfulánin eru að öllum líkindum ólögleg, Kaupmáttur er í frjálsu falli, verðbætur og gengistryggingar eru að sliga heimilin og sundra fjölskyldum en Verkalýðsforystan telur launafólk í ágætis málum??

Hvernig er hægt að réttlæta þessar klifjar í ljósi þess að ábyrgðamenn hrunsins eru enn við samningaborðið og eru að ná til baka þeim verðmætum sem þeir byrjuðu með.

Það er algerlega siðlaust að ætla almenningi að borga brúsann eftir útrásar sukkið á meðan gerendurnir hafa samningsstöðu innan bankanna.

Það er með öllu siðlaust og óskiljanlegt að þessir menn hafi samningsstöðu yfir höfuð.  

Hverjir eru að gæta hagsmuna launafólks?

Formaður VR telur launafólk vera í ágætis málum. Ég tel formann VR vera á rangri hillu.

Ragnar Þór Ingólfsson 

Stjórnarmaður í VR.

Næsta færsla er um launaþak forstjóra lífeyrissjóðsins sem ég lagði fram, hvernig formaður og stjórnarmeirihlutinn hafnaði sjálfsagðri skoðun á miljarða lánveitingum LV, án ábyrgða til Existu, Skipta og Bakkavarar en sjóðurinn hefur neitað að gefa upp hversu mikið þeir lánuðu þessum félögum. Mun ég birta yfirlit yfir skuldabréfaútgáfurnar, álit sem ég fékk frá FME um málið ásamt tölvupóstsamskiptum við framkv.stjóra og stjórnarmenn VR og LV vegna málsins. Einnig mun ég fjalla um kröfur LV á Kaupþing í þessu samhengi.

Kæru VR félagar - hvernig getum við snúið stöðunni, launafólki í hag.

Kæru VR félagar.

Fyrir rúmlega ári síðan fór hópur fólks af stað með báráttu fyrir breytingum innan VR.

Við vorum hópur fólks með hugsjónir sem vildi breytingar. Við vildum skoða bókhaldið, við vildum sjá breytingar í lífeyrissjóðnum, aukið gegnsæi í fjárfestingum og aukið lýðræði. Eitt helsta kosningamálið var að opna félagið fyrir félagsmönnum.

 Í dag er ár síðan og ekkert hefur breyst!

 Sá hópur sem fór fram í upphafi náði ekki meirihluta í félaginu og frá þeim tíma hafa tveir stjórnarmenn af þeim sex sem náðu kjöri í síðustu hallarbyltingu, tekið stöðu með núverandi meirihluta stjórnar.

Það er Ágúst Guðbjartsson, en hans helsta baráttumál var úrsögn úr ASÍ og vantraust á Gylfa Arnbjörnsson forseta ASÍ. Ágústi var boðið sæti sem varamaður í miðstjórn ASÍ og hefur ekkert heyrst frá honum síðan.

Ásta Rut Jónasdóttir, varaþingmanni Framsóknarflokksins gagnrýndi verðtrygginguna harðlega og fyrrverandi formann fyrir að sitja í stjórn fyrirtækis og lífeyrissjóðs. Ástu var boðið sæti í lífeyrissjóðnum og hún hjálpaði svo í kjölfarið stjórnarmeirihlutanum að bola Bjarka Steingrímssyni úr varaformannssæti VR og tók sjálf við því embætti. Hún situr nú í stjórn í opinberu hlutafélagi. 

Kristinn Örn formaður vildi beita sér gegn verðtryggingunni sem hann kallaði krabbamein á samfélaginu.

Ofangreind hafa öll neitað að skrifa undir áskorun okkar gegn verðtryggingu sem og gegn öðru úrræðaleysi stjórnvalda á skuldavanda heimilanna. Þau hafa öll kosið gegn skoðun á lánveitingum án veða, til félaga tengdum Bakkavararbræðrum sem eru stærstu skuldarar lífeyrissjóðsins. Sami stjórnarmeirihluti hefur einnig lagt blessun sína yfir nauðasamninga við sömu menn sem bera ábyrgð á því ástandi sem launafólk stendur frammi fyrir í dag.

Þau hafa öll lokað bloggum sínum og heimasíðum þar sem helstu kosningamál þeirra voru aðgengileg.

Við fjögur höfum staðið með þeim málum sem við stóðum fyrir þegar við buðum okkur fram og félagsmenn kusu með afgerandi hætti.

Bjarki Steingrímsson, Guðrún Jóhanna Ólafsdóttir, Ragnar Þór Ingólfsson og Bergur Steingrímsson höfum einungis unnið okkur það til saka að standa við það sem við lofuðum félagsmönnum okkar að gera.

Meirihluti stjórnar hefur farið gróflega gegn vilja félagsmanna í krafti meirihlutavalds.

Við höfum því ákveðið að safna saman fólki á nýjan lista gegn uppstilltum lista stjórnarmeirihlutans og óskum við eftir stuðningi og framboðum í trúnaðarráð og stjórn nýja listans.

Nú þegar hafa nokkrir af þeim trúnaðarmönnum sem uppstillinganefnd stillti upp gefið sig fram og ætla að ganga til liðs við nýja listan.

Við skorum á alla trúnaðarmenn, trúnaðarráðsmenn og félgasmenn VR sem hafa áhuga á að fara í þennan slag með okkur að hafa samband í síma 847-7419 (Ragnar), 864-7077 (Guðrún) eða senda  tölvupóst á [e-mail], [e-mail]

Ef við viljum breytingar þá verðum við að kjósa breytingar!

Þetta er einstakt tækifæri sem við höfum til að ná fram raunverulegum breytingum.

Baráttukveðjur,

Bjarki Steingrímsson Stjórnarmaður í VR

Ragnar Þór Ingólfsson Stjórnarmaður í VR

Guðrún Jóhanna Ólafsdóttir Stjórnarmaður í VR

Bergur Steingrímsson Stjórnarmaður í VR

Verkalýðshreyfing á Villigötum: Verðtryggingin og lífeyrissjóðirnir.

Stjórnarmeirihluti VR endurspeglar brenglaðar hugmyndir ASÍ um hagsmunagæslu launþega á Íslandi. Til marks um það mun ég birta með tveggja til þriggja daga millibili úttekt á störfum stjórnarmeirihluta VR og verkalýðsforystunnar í heild sinni, séð með augum stjórnarmanns sem er sakaður um niðurrif og aðgerðarleysi.

Þetta er fyrsta færslan af 13 um þau mál sem ég hef lagt fram til stjórnar VR og hvernig meirihluti stjórnarinnar hefur kerfisbundið unnið gegn þeim málum og hagsmunum félagsmanna okkar.

Ég mun svo í lokin fara yfir það hverjir mynda þennan meirihluta, hvaðan þeir koma og hvað þeir lofuðu að gera fyrir félagsmenn sína en gerðu ekki.

Ég mun aldrei sætta mig við það að vera kallaður helsta vandamál launþegahreyfingarinnar fyrir það eitt að fylgja þeim málum eftir sem ég lofaði félagsmönnum VR að berjast fyrir.

Fyrst tökum við fyrir áskorun minnihutans til meirihluta stjórnar þann 13.Janúar síðastliðinn. Eftir að hafa gefist upp á aðgerðaleysi sama meirihluta í sama máli.

Formaður VR telur launafólk vera í ágætis málum. Ég tel formann VR vera á rangri hillu.

Verkalýðshreyfingin er að velta yfir 10 milljörðum á ári og uppsker ríflegan hluta launa okkar um hver mánaðarmót. Ég er líklega ekki sá eini sem kvartar yfir uppskerubresti.

Sjá svör mín með bláu en svör meirihlutans með rauðu.

Við skoruðum á stjórnarmeirihluta VR að beita sér fyrir: 

1.Afnámi verðtryggingar tafarlaust og þak verði sett á vexti.

Í frjálsum markaðskerfum ákvarðast vextir og lánakjör á markaði og grundvallast á lánasamningum á milli lántaka og lánaveitanda. Það eru kostir og gallar við verðtryggð lán. Fyrir suma er kosturinn sá að afborganir eru lægri í upphafi en fara svo hækkandi út lánstímann. Til lengri tíma litið getur slíkt hentað lántökum vel.

Fyrir aðra henta hefðbundin nafnvaxtalán, en greiðslubyrði þeirra er þyngri í upphafi öfugt við verðtryggð lán og er greitt af höfuðstól frá upphafi.

Af þessu má dæma að meirihluti stjórnar VR styðji verðtrygginguna sem að mínu mati jafngildir vanhæfi viðkomandi aðila í stjórn stærstu hagsmunasamtaka launafólks á íslandi.

Skilja má kröfu þremenninganna þannig að þeir krefjist neikvæðra raunvaxta enda ekki ljóst hvar þeir vilja að vaxtaþakið liggi. Hvernig neikvæð ávöxtun getur samrýmst hagsmunum efnahagslífsins og t.d. sjóðfélaga í lífeyrissjóðum er vandséð. Er það virkilega ásetningur þremenningana að rýra eignir lífeyrissjóðsfélaga enn frekar sem myndi hafa í för með sér lækkun  á greiðslum til elli- og örorkulífeyrisþega núna  og í framtíðinni? Vilja þeir jafnvel  ganga enn lengra og afnema verðtryggð afkomuréttindi þeirra líka? Lítil er samúð þeirra og samkennd með öldruðum og öryrkjum.

Í dag eru lífeyrissjóðir og bankar að stórlaga eignastöðu sína eftir útrásarsukkið, með stórfelldri eignaupptöku í fasteignum fólks í formi verðtryggingar og myntkörfulána. Þetta er ekkert annað en lögvarinn þjófnaður sem verkalýðsforystan á að beita sér fyrir að verði stöðvaður TAFARLAUST!

Það er til marks um fádæma þekkingaleysi meirihlutans á málefnum lífeyrissjóða um að afnám verðtryggingar rýri eignir sjóðsfélaga.

Er eignaupptaka í fasteignum framtíðarlífeyrisþega, til að borga þeim nokkrar krónur í lífeyri, að rýra framtíðarlífeyri þeirra?

Fasteignir okkar eru okkar mikilvægasti lífeyrir.

Heimilin eru okkar mikilvægasti lífeyrir og öryggisnet. Ef sjóðirnir tapa á braski sínu þá eiga fasteignir okkar að vera öryggisnetið sem grípur okkur í ellinni. OKKUR en ekki banka og lífeyrissjóði.

Hvað kostar það samfélagið þegar stórskuldugir árgangar fara á lífeyri, þegar lágmarks framfærsla fer að mestu leiti í afborganir af húsnæði?

Við hljótum að vilja skuld litla eða skuld lausa lífeyrisþega sem verða svo virkir neytendur í samfélaginu, atvinnulífinu til hagsbóta. 

Hversu mikil var eign lífeyrissjóða í verðtryggðum eignum fyrir hrun? Rúm 20% voru í innlendum hlutabréfum (verðlaus í dag) rúmlega 40% voru í erlendum verðbréfum um 15% í skuldabréfum útrásarfyrirtækja og banka (að mestu verðlaus en voru verðtryggð) og 25 % sjóðsfélagalán og íbúðabréf ásamt öðrum verðtryggðum verðbréfum.

Lífeyrisréttindi eru EKKI verðtryggð. Hinsvegar er lífeyrissjóðum skylt samkv. lögum að ávaxta lífeyri að lágmarki 3,5% verðtryggt.

Lífeyrissjóðir hafa heimild til að skerða lífeyrisréttindi eða auka eftir því hvernig þeim gengur að ávaxta sig.

Þeim er skylt að reikna niður áunnin réttindi lífeyrisþega ef tryggingafræðileg staða þeirra er neikvæð sem nemur 10% eða meira. Lögunum var svo breytt í desember 2008 í 15% tímabundið.

Þetta þýðir að ef skuldbindingar lífeyrissjóðanna að núvirði og til framtíðar fara yfir neikvæð tryggingafræðileg mörk ber sjóðunum skylda að skerða lífeyrisréttindi.

Þetta þýðir að lífeyriréttindi á almennum vinnumarkaði eru ekki verðtryggð. Þau eru hinsvegar verðtryggð hjá ríkisstarfsmönnum sem hafa ríkistryggðan lífeyri. T.d. tap LSR (lifeyrissjóðs starfsmanna ríkis) þarf að bæta upp að stórum hluta með skatttekjum almennings.

Nú eru fyrstu lífeyrisþegarnir sem greitt hafa í lífeyrissjóði í 40 ár eða meira byrjaðir að taka út lífeyri. Í fæstum tilfellum stendur sá lífeyrir undir lágmarks framfærslu og þurfa lífeyrisþegar að stóla á greiðslur frá tryggingastofnun ofan á lífeyri frá stéttarfélagssjóðum. Ef lífeyrir skerðist,aukast greiðlur frá ríkinu þar sem lágmarks framfærslu er ekki náð. Til gamans má geta að þeir sem aldrei hafa greitt í lífeyrisjóði síðsatliðin 40 ár fá það sama og hinir nema að öllu leiti frá tryggingastofnun. Um þetta eru til fjölmörg dæmi.

Notkun verðtryggingar hér er alltof víðtæk  og hefur skapað vítahring sjálfvirkra verðhækkana. Alþekkt er að fyrirtæki og stofnanir hafi réttlætt gjaldskrárhækkanir með vísan í vísitöluhækkanir án þess þó að þær hafi haft nokkur áhrif á rekstrargjöld þeirra. Þennan vítahring þarf að rjúfa.  Sömuleiðis er það þjóðþrifamál að berjast fyrir niðurfellingu opinberra gjalda eins og stimpilgjalda sem hamla samkeppni á lána- og bankamarkaði.

Þessi vítahringur verður aldrei rofin nema með afnámi verðtryggingar. Þegar Ólafslögin voru sett árið 79'  áttu þau að tryggja fjármagnseigendur gegn eignabruna sem myndaðist við óstjórn peningamála hér á landi. Þegar verðtrygging launa var svo afnumin 1982 en verðtrygging lána var látin halda, tala margir af okkar færustu hagfræðingum um mestu hagstjórnarmistök íslandssögunnar. Ég er sammála þeim.

Verkalýðsforystan lofaði launafólki afnámi verðtryggingar fljótlega í kjölfar afnáms verðtryggingar launa. 28 árum síðar hefur ekkert gerst. Það er komin tími til að efna gamalt loforð. 

Hann er sorglegur og grunnur málflutningur pólitískra evrópusinna að evran sé EINA lausnin frá verðtryggingunni.

Á að nota verðtrygginguna sem skiptimynt fyrir atkvæði inn í evrópusambandið og reka þannig launafólk til atkvæða með byssusting í bakinu?

Þeir sem góla hvað hæst í gospelkór evrópusinna telja fólki trú um að vextir verði lægri,lánakjör betri og verðbólga lítil með upptöku Evru og að skuldastaða okkar hafi ekkert með það að gera.

Það eina sem breytir þeim kjörum sem í boði eru hverju sinni er greiðsluhæfni þess sem lánið tekur.

Ef kjör okkar verða betri innan ESB miðað við sömu skuldastöðu Íslands, hvað þurfum við þá að gefa eftir af sjálfstæði okkar og auðlindum til að fá betri lána kjör ? Ekki batnar skuldastaðan svo mikið er víst.

Krónan er hvorki betri né verri en hver annar gjaldmiðill – hún er hugtak en ekki hlutur sem endurspeglast að langstærstum hluta í innistæðum í bankakerfinu sem verða til úr engu líkt og færslur í bókhaldskerfi.

Krónur verða til við “kaup” banka á skuldaviðurkenningum lántakenda sem fá andvirði þeirra yfirfært á bankareikinga sína með tölvufærslu.

Krónan er einkum frábrugðin matadorpeningum í því einu að hún er lögboðinn gjaldmiðill í viðskiptum innanlands og til kaupa á gjaldeyri.

Lausnin felst í því að stjórna hér peningamálum með því hugarfari að eyða ekki meir en að þjóðarbúið aflar í gjaldeyri fyrir það sem við framleiðum og skapa samfélagslegan hvata fyrir stöðugleika.

Lausnin felst ekki í því að stjórna hér peningamálum með rassgatinu í þágu útvaldra eins og gert hefur verið síðustu áratugi.

Ragnar Þór Ingólfsson 

Stjórnarmaður í VR.

 

Nauðasamningar Exista og Bakkavör.

Í ljósi nýlegra frétta af umfangsmestu húsleitum Íslandssögunnar.

Sendi þessa áskorun á meirihluta stjórnar þann 14.Janúar síðastliðinn, sem hefur hingað til hafnað allri skoðun á þessum málum þrátt fyrir ítrekaðar tilraunir mínar.

Kæru meðstjórnendur.

Sendi hér með fréttaskýringu Spegilsins á Rás2,  á því hvað gerist við nauðarsamninga. Þetta er skylduhlustun fyrir alla stjórnarmenn okkar.

Þegar Eimskip fór í nauðarsamninga var sjálfkrafa lokað á það hvernig stjórnendur þurrkuðu upp allar eignir félagsins og hvernig stærsta, ríkasta og öflugasta fyrirtæki landsins varð eignalaust og leitt í þrot á örskotstundu.

Hið sama er að gerast með Exista. Bakkavararbræður hafa nú þegar hirt stærsta bitan af kökunni, á vildarkjörum sem hvergi þekkjast, á kostnað kröfuhafa ( sjóðsfélaga lífeyrissjóðanna ).

Haldið þið virkilega að nauðarsamningar komi til með að skila sjóðunum betri heimtur? Það er óvíst að heimtur af brunarústunum einum sem eftir standa innan Existu nái að dekka gríðarlegan rekstrarkostnað þeirra sem vilja stýra félaginu áfram.

Ég vil minna ykkur á að þau félög sem Exista menn ætla að mergsjúga til að standa við vonlausar skuldbindingar sínar, eru félög sem þurfa að lækka þjónustu stig og segja upp fólki, hagræða langt um fram þörf með hækkun á vöru og þjónustu og jafnvel yfir skuldsetja sig. Allt á kostnað almennings,sjóðsfélaga og félagsmanna VR.

Af hverju má ekki gera þessi móðurfélög upp sem engan tilgang hafa annan en að merg sjúga arðvænlegar rekstrareiningar sínar og númer eitt að halda leyndarhjúp yfir gegndarlausu fjármálasukkinu sem viðhaft var á kostnað almennings.

Við hljótum að spyrja okkur um tilgang framtakssjóðs lífeyrissjóðanna þegar lífeyrissjóðirnir sjálfir kvitta undir nauðarsamninga félaga, þar sem skrúðkrimmarnir selja sjálfum sér bestu bitana úr gjaldþrota móðurfélögum á vildarkjörum sem hvergi þekkjast.

Af hverju má ekki gera þessi félög upp?

Sjóðirnir sitja eftir með verðlaus skuldabréf sem þeir bókfæra sem milljarða eign. Stjórnendur halda andlitinu, tímabundið. Tapinu dreift á kostnað sjóðsfélaga og engin kemst að hinu sanna um  gegndarlausan rekstrarkostnað og vafasöm tengsl æðstu stjórnenda.

Spillinguna er líklega ekki að finna innan sjóðanna sjálfra en vafalítið hafa stórfyrirtækin sem sjóðirnir fjárfestu í verið örlátir við stjórnendur þeirra. 

Það er ekki spurning um hvort Exista verði rannsökuð sérstaklega heldur hvenær. Ég hef sjálfur, sem sjóðsfélagi, kært söluna á Bakkavör úr Existu . Kaupþing fylgdi í kjölfarið tveimur vikum seinna og kærði sama gjörning.

Fleiri kærur eru til skoðunar og fleiri eru á leiðinni.

Þetta verður í síðasta skipti sem ég skora á meðstjórnendur mína og stjórnarmenn okkar í LV til að taka af skarið og gera eitthvað í málunum.

Ég skora á ykkur öll að taka höndum saman og segja nei við nauðarsamningum Existu. Látum stjórnendur þessara félaga og vildarvini þeirra, ekki hafa okkur að fíflum.

Þessi keisari er án klæða svo mikið er víst.

Að lokum vil ég minna á fyrri bréf mín til ykkar þar sem ég hef margbent á tengingar stjórnenda sjóðsins við þessi félög. Það eitt að kauphöll Íslands er búið að marg áminna og sekta stjórnendur félagsins og félagið sjálft, fyrir misvísandi lögbundna upplýsingagjöf hlýtur að gefa tilefni til tortryggni í garð þessara aðila. Það virðist ekki vera orð að marka þessa menn. Samt er broslegum áætlunum þeirra um heimtur tekið sem heilögum sannleik. 

Fyrirtæki tengd tveimur fyrrverandi stjórnarformönnum LV eru meðal stærstu skuldara Kaupþings.

Stærstu eigendur Kaupþings og Existu eru langstærstu skuldarar LV.

Það er krafa mín sem sjóðsfélagi að fá allt upp á borðið. Treystum ekki sama glæpalýðnum og kom okkur í þau vandræði sem þjóðin stendur frami fyrir í dag. Þessir menn hafa sýnt þjóðinni fádæma hroka og er meira umhugað að koma undan eignum og fjármunum en að hjálpa til við að slökkva eldana sem þeir sjálfir kveiktu.

Hvað í ósköpunum fær ykkur til að trúa því að þessir menn beri hag sjóðsfélaga fyrir brjósti?

Virðingafyllst.

Ragnar Þór Ingólfsson

Stjórnarmaður í VR.

Hvað er að gerast í VR ?

Þau eru brosleg svörin sem félagsmenn okkar fá þegar þeir spyrja um aðgerðaleysi VR og verkalýðsforystunnar á gríðarlegum skuldavanda heimilanna og kaupmætti sem er í frjálsu falli. þessar hamfarir sem herja á launa og fjölskyldufólk virðast engu skipta en stjórnin hefur meiri áhyggjur af því að semja við Bakkavararbræður og koma í veg fyrir að lánabók sjóðsins til fyrirtækja verði aðgengileg sjóðsfélögum. ASÍ sér svo um restina sem er Evrópusambandið sem eina lausnin á vandanum.  

Svörin fyrir vítavert sinnuleysi meirihlutans eru yfirleitt þau að lítill minnihluti hóps haldi þeim sem öllu ráða "meirihlutanum" í gíslingu og ekkert verði úr verki. þetta gerir títt nefndan minnihluta að valda mesta minnihluta lýðveldissögunnar. 

Staðreyndin er hinsvegar sú að meirihluti stjórnar VR og A-Listinn undir forystu Kristinns,hanga í pilsfaldi ASÍ og hafa ekki bein í nefinu til að standa í hárinu á þeim sem stjórnað hafa verkalýðshreyfingunni og lífeyrissjóðunum á áratugi. Þetta er þröngur hópur fólks sem öllu ræður. Þessi hópur hefur mismikin áhuga á skjólstæðingum sínum.

Forseti og varaforseti ASÍ koma úr VR.

Gylfi Arnbjörns VR - Ingibjörg R. Guðmunds - VR/LÍV eiga sæti í miðstjórn ASÍ. þau Stefanía Magnúsdóttir fyrrum varaformaður VR og Kristinn Örn Jóhannesson Formaður VR eiga bæði sæti í miðstjórn ASÍ.

Það sem meirihluti stjórnar VR þolir ekki er að við sem erum í minnihluta og hlutum yfirburðarkosningu félagsmanna í fyrra erum að mótmæla aðgerðarleysi verkalýðsforystunnar sem við sjálf tilheyrum og síðan ömurlegu úrræðaleysi stjórnvalda á skuldavanda heimilanna.

Ég hef ítrekað reynt að fá Kristinn Örn formann VR til að taka ákveðin mál á dagskrá stjórnarinnar en án árangurs. Hann var fljótur að pakka niður stóru orðunum og hoppa upp í Evrópulest ASÍ á business class.

Þetta eru baráttumálin okkar í minnihlutanum, baráttumál sem A-listi og núverandi meirihluti stjórnar undir forystu Kristinns, þola ekki að ræða og hafa alfarið hafnað:

Áskorun minnihlutans á meirihluta stjórnar VR.

Við skorum á meirihluta stjórnar VR að beita sér fyrir:

1.Afnámi verðtryggingar tafarlaust og þak verði sett á vexti.

2.Raunverulegum úrræðum vegna myntkörfulána og stökkbreyttum höfuðstól húsnæðislána og hafni því úrræðaleysi sem í boði er.

3.Að mótmæla harðlega glórulausum neyslusköttum sem engu skiluðu nema hækkun á neysluvísitölu, húsnæðislána og aukinni kaupmáttar rýrnun.

4.Stuðningi við Hagsmunasamtök Heimilanna.

5.Áframhaldandi frest á nauðungarsölu.

6.Lagasetningu um að veð takmarkist við þá eign sem lánað var út á.

7. Lagabreyting leiði til þess að við gjaldþrot fyrnist eftirstöðvar skulda innan 5 ára og verða ekki endurvakin.

8. Að VR lýsi yfir vantrausti á Gylfa Arnbjörnsson og forystu ASÍ og hafni stöðugleikasáttmála þeim er samþykktur var í vor enda allar forsendur hans löngu brostnar.

9.Að þessi áskorun verði birt á heimasíðu VR.

10.Að VR verði aftur sjálfstætt og leiðandi afl í kjara og hagsmuna baráttu launafólks.

Bjarki Steingrímsson fyrrverandi varaformaður VR fékk á sig vantraust og var vikið úr sæti varaformanns fyrir að krefjast þess í ræðu á Austurvelli, að verkalýðsforystan hysjaði upp um sig brækurnar og beytti sér fyrir þessum brýnu hagsmunamálum launþega. Sérstaklega í ljósi þeirra ömurlegu samninga sem sama forysta kvittaði undir f.h. launafólks ásamt gerð stöðugleikasáttmála sem tryggði betur hagsmuni auðvaldsins en launþega nokkurn tíma.

Þegar varaþingmaður framsóknarflokksins Ásta Rut Jónasdóttir tók svo við sæti hans, en hún hafði áður stutt okkur í baráttunni gegn spillingunni, sýndi hún og sannaði að nefndar og frama snuðið sem víðfrægt er, og notað er af valdhöfum til að þagga niður í fólki, reyndist of mikil freisting.

Nú er valdið í höndum félagsmanna. Viljum við sama meðvirka ástandið og sinnuleysið? Viljum við breytingar?

Ég styð L-Lista lýðræðis því ég vil gegnsæi í fjárfestingum lífeyrissjóðsins og opið lýðræði í félaginu. Ég vil félag með beittar tennur en ekki tannlaust.

Ég styð Hall Eiríksson í framboði í einstaklingskosningu.

Þetta er einstakt tækifæri sem félagsmenn VR hafa og mega ekki láta fram hjá sér fara.

Ragnar Þór Ingólfsson.

Bakkavör í nauðarsamninga ?

Bakkavör group skuldar lánardrottnum um 62,5 milljarða króna. Íslenskir lífeyris­sjóðir eru þar fremstir í flokki.

Þeir ætla að greiða þetta á 4 1/2 ári sem gera 1,16 Milljarð á mánuði plús vextir. Hefur félagið einhvern tíma skilað viðlíka hagnaði sem ekki var á falsrökum reistur? Forsendur nauðarsamningana eru hlægilegar svo ekki sé meira sagt. Þessir menn hafa ítrekað verið áminntir og sektaðir af kauphöll íslands fyrir mivísandi upplýsingagjöf og hafa sýnt íslensku þjóðinni og kröfuhöfum Existu, fádæma hroka með því að selja sjálfum sér sama félag á vildarkjörum sem hvergi þekkjast.

Er þeim umhugað um kröfuhafa eða sjálfa sig ? Nauðasamningar gera það að verkum að Íslenskir lífeyrissjóðir geta bókað vonlausar kröfur sínar sem eign næstu árin.Stjórnendur sjóðanna halda andlitinu tímabundið á kostnað sjóðsfélaga og ekki fæst uppgefið í hvað þessi gegndarlausa skuldsetning 62.500 milljónir raunverulega fóru í.

Bakkarvör óskar eftir heimild til nauðasamninga

Nauðasamningar Existu: Áskorun !

Kæru meðstjórnendur.

Sendi hér með fréttaskýringu Spegilsins á Rás2,  á því hvað gerist við nauðarsamninga. Þetta er skylduhlustun fyrir alla stjórnarmenn okkar.

Þegar Eimskip fór í nauðarsamninga var sjálfkrafa lokað á það hvernig stjórnendur þurrkuðu upp allar eignir félagsins og hvernig stærsta, ríkasta og öflugasta fyrirtæki landsins varð eignalaust og leitt í þrot á örskotstundu.

Hið sama er að gerast með Exista. Bakkavararbræður hafa nú þegar hirt stærsta bitan af kökunni, á vildarkjörum sem hvergi þekkjast, á kostnað kröfuhafa ( sjóðsfélaga lífeyrissjóðanna ).

Haldið þið virkilega að nauðarsamningar komi til með að skila sjóðunum betri heimtur? Það er óvíst að heimtur af brunarústunum einum sem eftir standa innan Existu nái að dekka gríðarlegan rekstrarkostnað þeirra sem vilja stýra félaginu áfram.

Ég vil minna ykkur á að þau félög sem Exista menn ætla að mergsjúga til að standa við vonlausar skuldbindingar sínar, eru félög sem þurfa að lækka þjónustu stig og segja upp fólki, hagræða langt um fram þörf með hækkun á vöru og þjónustu og jafnvel yfir skuldsetja sig. Allt á kostnað almennings,sjóðsfélaga og félagsmanna VR.

Af hverju má ekki gera þessi móðurfélög upp sem engan tilgang hafa annan en að merg sjúga arðvænlegar rekstrareiningar sínar og númer eitt að halda leyndarhjúp yfir gegndarlausu fjármálasukkinu sem viðhaft var á kostnað almennings.

Við hljótum að spyrja okkur um tilgang framtakssjóðs lífeyrissjóðanna þegar lífeyrissjóðirnir sjálfir kvitta undir nauðarsamninga félaga, þar sem skrúðkrimmarnir selja sjálfum sér bestu bitana úr gjaldþrota móðurfélögum á vildarkjörum sem hvergi þekkjast.

Af hverju má ekki gera þessi félög upp?

Sjóðirnir sitja eftir með verðlaus skuldabréf sem þeir bókfæra sem milljarða eign. Stjórnendur halda andlitinu, tímabundið. Tapinu dreift á kostnað sjóðsfélaga og engin kemst að hinu sanna um  gegndarlausan rekstrarkostnað og vafasöm tengsl æðstu stjórnenda.

Spillinguna er líklega ekki að finna innan sjóðanna sjálfra en vafalítið hafa stórfyrirtækin sem sjóðirnir fjárfestu í verið örlátir við stjórnendur þeirra. 

Það er ekki spurning um hvort Exista verði rannsökuð sérstaklega heldur hvenær. Ég hef sjálfur, sem sjóðsfélagi, kært söluna á Bakkavör úr Existu . Kaupþing fylgdi í kjölfarið tveimur vikum seinna og kærði sama gjörning.

Fleiri kærur eru til skoðunar og fleiri eru á leiðinni.

Þetta verður í síðasta skipti sem ég skora á meðstjórnendur mína og stjórnarmenn okkar í LV til að taka af skarið og gera eitthvað í málunum.

Ég skora á ykkur öll að taka höndum saman og segja nei við nauðarsamningum Existu. Látum stjórnendur þessara félaga og vildarvini þeirra, ekki hafa okkur að fíflum.

Þessi keisari er án klæða svo mikið er víst.

Að lokum vil ég minna á fyrri bréf mín til ykkar þar sem ég hef margbent á tengingar stjórnenda sjóðsins við þessi félög. Það eitt að kauphöll Íslands er búið að marg áminna og sekta stjórnendur félagsins og félagið sjálft, fyrir misvísandi lögbundna upplýsingagjöf hlýtur að gefa tilefni til tortryggni í garð þessara aðila. Það virðist ekki vera orð að marka þessa menn. Samt er broslegum áætlunum þeirra um heimtur tekið sem heilögum sannleik. 

Fyrirtæki tengd tveimur fyrrverandi stjórnarformönnum LV eru meðal stærstu skuldara Kaupþings.

Stærstu eigendur Kaupþings og Existu eru langstærstu skuldarar LV.

Það er krafa mín sem sjóðsfélagi að fá allt upp á borðið. Treystum ekki sama glæpalýðnum og kom okkur í þau vandræði sem þjóðin stendur frami fyrir í dag. Þessir menn hafa sýnt þjóðinni fádæma hroka og er meira umhugað að koma undan eignum og fjármunum en að hjálpa til við að slökkva eldana sem þeir sjálfir kveiktu.

Hvað í ósköpunum fær ykkur til að trúa því að þessir menn beri hag sjóðsfélaga fyrir brjósti?

Virðingafyllst.

Ragnar Þór Ingólfsson

Stjórnarmaður í VR.

Opið bréf til trúnaðarráðs VR og stjórnar.

Ég vil byrja á því að þakka fyrir fundinn í gær sem var athyglisverður.

Það eru nokkrir hlutir sem ég vil koma á framfæri til ykkar vegna ummæla meðstjórnenda minna á fundinum í gær.

Ásta Rut vændi mig um að ég væri í hópi manna sem stundaði áreiti og einelti á ákveðna stjórnarmenn í VR. Hún sakaði mig um ódrengskap og vísaði í tölvupósta frá mér til stjórnar. Hún er þá væntanlega sem varaformaður að gefa mér grænt ljós á að vísa í tölvupósta stjórnar á opinberum vettvangi. Ég vísa ásökunum hennar til föðurhúsana.

Í stað þess að biðja mig afsökunar á framferði sínu reyndi hún að réttlæta fyrir ykkur gjörðir sínar.

Ég er búin að lýsa yfir skoðun minni á Ástu Rut Jónasdóttur og hennar störfum og hef í raun engu við það að bæta. Störf hennar innan stjórnar VR og lífeyrissjóðsins segja kannski mest um það.

Ásta Rut er að mínu mati tækifæris sinni og mun teygja sig ansi langt til að koma sjálfri sér áfram á kostnað annara. Hún hefur sýnt það og sannað í þrígang og þarf hún ekki að sanna sig frekar gagnvart mér.

Þennan tölvupóst sendi ég Ástu Rut Jónasdóttur eftir að hafa fengið það staðfest að hún hafi vitað að atlögunni gegn Bjarka Steingrímssyni tveimur mánuðum áður og tók svo sæti hans sem varaformaður VR.

Úr tölvupósti frá mér til Ástu 16 Des. 2009

Það er ljóst að þú stendur fyrir allt það sem ég fyrirlít í þessu samfélagi okkar í dag,sem er leyni og baktjaldamakk og óheiðarleiki gagnvart fólki sem treystir þér. Það eitt að taka þátt í þessum fyrirfram ákveðna farsa sem ég varð vitni að í dag, án þess að koma hreint fram, segir meira um þig sem persónu en þá sem fyrir voru í Stjórninni og hafa ekki farið leynt með skoðanir sínar.

Það er ekkert sem ég hef sagt um hana sem ég sé eftir eða ætla að taka til baka. Ég fyrirlít ákveðnar manngerðir í þjóðfélaginu sem er undirförulsháttur,óheiðarleiki og sviksemi við þá sem styðja þig og treysta. Ásta fellur undir þessa skilgreiningu í mínum bókum og er ég óhræddur við að segja þá skoðun enda hreinskilinn að eðlisfari og ætla mér ekki að villa á mér heimildir gagnvart henni eða nokkrum öðrum.

Ég ber mikla virðingu fyrir öllum öðrum meðstjórnendum mínum í VR sem og starfsfólki félagsins. Ég er ekki sammála þeim öllum en þeir koma þó hreint fram með sínar skoðanir og hafa ekki á nokkurn hátt reynt að villa á sér heimildir. Ég get tekið því að vera í minnihluta en meirihlutinn vill ekki sætta sig við að hafa minnihluta. Minnihluta sem heyrist í.

Varðandi deilur innan stjórnar vil ég koma eftirfarandi á framfæri.

Ég styð Bjarka Steingrímsson heils hugar í baráttu sinni. Við Bjarki erum ekki alltaf sammála en þó lang oftast. Við erum 100% sammála um það að það eina sem hann er að gera er að fylgja eftir sínum kosningamálum sem félagsmenn tóku afgerandi afstöðu með.

Bjarki hefur reynst mér sem traustur vinur og stuðningsmaður þeirra málefna sem ég hef sett á oddinn í baráttu minni. Bjarki er heill í gegn,heiðarlegur og einlægur í baráttu sinni gegn því óréttlæti sem dynur á félagsmenn okkar á hverjum einasta degi.

Ef stjórnin vinnur gegn þeim málum, sem félagsmenn tóka afgerandi afstöðu til í síðustu kosningum, er hún þá ekki að vinna gegn vilja félagsmanna?

Mín barátta hefur snúist fyrst og fremst um breytingar í lífeyrissjóðnum.

Það er hatrammlega barist fyrir því innan ASÍ og stjórnar VR að vinna gegn þeim málum sem ég bauð mig fram með.

Það er gegnsæi í fjárfestingum sjóðsins, gera sjóðinn og lykilupplýsingar aðgengilegri sjóðsfélögum.

Dæmi um gagnrýni mína á störf Ástu er að hún lofaði mér stuðningi við mitt helsta baráttu mál en var fljót að hoppa sjálf inn í stjórn lífeyrissjóðsins og svíkja þann stuðning.

Sms sem ég fékk var: Ohh my good!! þetta átti ekki að fara svona...   Það er eitt að hoppa fram fyrir á kostnað annara en að vera hennar fyrsta verk að gera 7 ára leyniráðningasamning við hægri hönd Þorgeirs Eyjólfssonar sem tryggði enn frekar, engar áherslubreytingar er að sjálfsögðu með hreinum ólíkindum. Þegar ég hringdi svo í hana til að spyrja um þessi mál, vísaði hún mér í ársreikninga næsta árs, þar gæti eg fengið þær upplýsingar sem ég væri að leita að.

Ágúst Guðbjartsson skoraði á Gylfa Arnbjörnsson Forseta ASÍ að segja af sér vegna aðgerðarleysis verkalýðsforystunnar, hann væri rúin trausti og ekki málsvari okkar launafólks. Ágúst fór mikinn í fjölmiðlum vegna þessa.

Ágúst var svo á ársþingi ASÍ kosinn í miðstjórn ASÍ sem varamaður. Ekki hefur heyrst í honum síðan hvað Gylfa varðar. Hann er jú búin að opna vef sem heitir jákvæðni.is eða eitthvað slíkt sem er gott og blessað en því miður kemur ekki mikil jákvæðni  upp í huga mér í því ástandi sem blasir við okkur í dag. Ég er ekki mjög jákvæður í garð þeirra sem hafa jarðsungið velferð og grunnstoðir samfélags okkar en ganga lausir eins og ekkert hafi í skorist.

Staðreyndin er sú að ekkert hefur breyst !

Það hafa engar breytingar orðið !

Ég spyr ykkur trúnaðarmenn alla hvort þetta séu vinnubrögð í lagi ?

Eigum við að snúa bökum saman sem ein heild ? Um hvað eigum við að snúa bökum saman ? Eigum við að snúa bökum saman um styrkveitingar til félagasamtaka ? Eigum við að snúa bökum saman um aðgerðaleysi núverandi forystu og ASÍ ?

Er það þetta sem Ég, Bjarki og Guðrún eigum að gera fyrir ykkar hönd í stjórn VR?

Eigum við að demba okkur að kjötkatlinum og kóa með forystunni sem við öll kusum gegn í síðustu kosningum?

Ég spyr, hvað viljið þið?

Ég er ekki til sölu, ég læt ekki bjóða mér einhverjar stöður til að þagga niður í mér.

Hvort sem ykkur líkar betur eða verr mun ég fylgja málefnum mínum eftir af meiri hörku en ég hef nokkurn tíman áður gert.

Þið verðið svo að taka ákvörðun um framhaldið.

Ég mun taka virkan þátt í næstu kosningabaráttu þar sem félagsmenn allir geta vonandi tekið afstöðu í eitt skipti fyrir öll, hvort krafta eins og minna sé þörf innan félagsins eða ekki. Ég hef nóg annað við tíma minn að gera ef félagsmenn kjósa að hafa ástandið eins og það var.

Ég er meðlimur í Hagsmunasamtökum Heimilanna og á sæti í greiðsluverkfallsstjórn. Þar hef ég barist fyrir leiðréttingu á stökkbreyttum höfuðstól húsnæði og bílalána. Ég er ákaflega stoltur af þeirri vinnu.

Ég er líka meðlimur Nýs Íslands sem stendur fyrir kröfufundum ásamt HH á austurvelli alla Laugardaga eins Bílamótmælin á þriðjudögum þar sem flautað er í eina mínútu fyrir framan fjármögnunarfyrirtækin.

Ekki hefur mikið sést til meðstjórnenda okkar á Austurvelli en félagsmenn eru þar fjölmargir.

Nýtt Ísland vill:

* Koma heimilum landsins til hjálpar, gera leiðréttingu á lánum landsmanna. Á við bílalán líka.
* Útrásarvíkingum og eigendum og stjórnendum bankanna verði birt sannleiks og sáttanefnd. eignir þeirra verði skráðar að beiðni yfirvalda og einhverjar þeirra kyrrsettar. 
* Spillinguna burt.
* Gagnsæi við störf og úthlutanir á vegum hins obinbera.
* Rannsókn verði stórefld og margfalt meira fjármagni veitt til að velta öllum steinum við, (margfalt meira fjármagn, það skilar sér tilbaka í formi endurheimtingar á fjármagni ísem komið hefur verið undan).

Nýtt Ísland og Hagsmunasamtök Heimilanna eru samtök sem eru rekin af hugsjón og í sjálfboðavinnu sem yfir100 manns koma að með einum eða örðum hætti. Allir með eitt markmið sem er að berjast fyrir hagsmunum heimilanna og vera málsvari fólksins gegn stjórnvöldum þar sem verkalýðsforystan er gjörsamlega lömuð og múlbundin vegna pólitískra sérhagsmuna örfárra sem öllu stjórna innan hennar.

Það vakti athygli mína að Sveinbjörn Ragnar Árnason var títtnefndur á þessum fundi sem og öðrum.

Sveinbjörn hefur gagnrýnt stjórnarmenn VR harðlega fyrir að fylgja ekki eftir kosningaloforðum sínum. Hann hefur sér til saka unnið að gagnrýna prímadonnurnar sem hoppuðu upp í gullvagninn við fyrsta tækifæri. Hvort hann hafi gengið of langt í þeirri gagnrýni ætla ég ekki að leggja dóm á hér en vil benda félagsmönnum okkar á vefsíðu eins og  www.nyttisland.is . Sveinbjörn er líklega einn harðasti baráttumaðurinn á Íslandi í dag gegn spillingunni í fjármálakerfinu og hafa einstaklingar eins og Eva Joly ofl. Notið góðs af rannsóknarvinnu hans í gegnum hvítbók ofl.

Sveinbjörn hefur einnig aðstoðað mig í þeirri miklu rannsóknarvinnu sem ég hef verið að vinna í sem þið fáið að sjá afrakstur af innan fárra vikna.

Ég hvet alla til að kynna sér þessar síður og það sem hann stendur fyrir áður en þið byrjið að kasta steinum. Og hvet þá stjórnarmenn sem tala hvað mest niðrandi um Sveinbjörn að líta í eigin barm og skoða hvað þið sjálf hafið lagt af mörkum í baráttunni gegn spillingunni.  

Forystusauðir ASÍ styðja verðtryggingu,fagna aðkomu AGS og ríkisábyrgð á Icesave sem verður líklega síðasti naglinn í líkistu velferðar á íslandi eins og við þekkjum hana í dag.

Hér er rekið samfélag útvaldra sem græða á kostnað almennings í landinu. Gróðinn er engin snilld og hinir útvöldu eru engir snillingar.

Gróðinn er þýfi. Gróðinn er lögvarinn blóðpeningur.

Hinir útvöldu eru nútímavæddir þjófar og þjófnaðurinn fer fram í skjóli bankaleyndar og þagnarskyldu. Þjófnaðurinn fer fram um hábjartan dag beint fyrir framan nefið á okkur undir verndarvæng ríkisstjórnarinnar og aðila vinnumarkaðarins.

Verkalýðshreyfingin er að velta yfir 10 milljörðum á ári, rekstrarkostnaður er um 2 milljarðar.

Lífeyrissjóðirnir eru að velta um 300 milljörðum á ári og rekstrarkostnaður um 4 milljarðar.

Það fer um 60% af heildar launum okkar í skatta og önnur launatengd vel falin gjöld.  

Gleymum því ekki að VIÐ almenningur erum ríkið og VIÐ eigum lífeyrissjóðina, og það erum VIÐ sem greiðum í stéttarfélögin.

Það erum Við sem getum breytt þessu.

Hvað viljum VIÐ ?

Við getum ekki kennt starfsfólki stéttarfélaga um aumingjaskap þeirra sem stjórna.

Eftir höfðinu dansa limirnir. 

 

Kær Kveðja

Ragnar Þór Ingólfsson

Stjórnarmaður VR.

ASÍ:Hroki og sérhagsmunir !

Á dögunum bárust mér og Bjarka Steingrímssyni tölvupóstar sem sýna samskipti forystumanna ASÍ,  í máli er varðar beiðni Jóns Jósef Bjarnasonar sem vinnur ötullega að því að skrá upplýsingar um viðskiptatengsl manna á Íslandi í gagnagrunn sinn.

Þökk sé Jóni þá hefur hann hafið skráningar á þeim aðilum er sitja fyrir hönd verkalýðshreyfingarinnar og atvinnurekenda í stjórnum lífeyrissjóðanna og í stjórnum allra þeirra fjölmörgu sjóða sem við launafólk eigum og forystusauðir SA/ASÍ stýra.

Við félagarnir fögnum skráningu þessara upplýsinga því völdin sem þetta fólk hefur í skjóli sameiginlegra peninga okkar launafólks eru gríðarleg.

Það skal tekið fram að færsluhöfundur á sæti í þessu teymi sem er að skrá upplýsingar um stjórnendur, milljarða tuga sjóða, sem aðilar vinnumarkaðarins hafa yfir að ráða.

Hér á eftir má sjá tölvupósta milli okkar og miðstjórnarmanns ASÍ, getur þá hver og einn dregið ályktun fyrir sig.

 

Póstur frá formanni RSÍ, Guðmundar Gunnarssonar til formanns VR og miðstjórnar ASÍ.

Stjórn VR

Ég sá ekki betur en að í þessu teymi sé stjórnarmaður hjá VR og ætti
hann að vita að þessar upplýsingar eru á öllum heimasíðum
stéttarfélaganna. Annar stjórnarmaður hjá VR, reyndar varaformaður
félagsins sá sig tilknúinn til þess að bera á starfsfólk og
stjórnarmenn annarra stéttarfélaga einstaklega ógeðfelldar ásakanir og
órökstuddar dylgjur á útfifundi nýverið.

Þessir einstaklingar voru ítrekað leiðréttir á ársfundi ASÍ og
uppvísir um fáheyrt þekkingarleysi um starfsemi stéttarfélaga og
lífeyrissjóða. En samt héldu þeir því fram í fjölmiðlum að allir aðrir
en þeir hefðu rangt fyrir sér og 300 forsvarsmenn stéttarfélaga í
landinu væru sirkus og undir handleiðslu valdaklíku.

Forysta RSÍ hefur rætt þessi mál og frábiður sér öll afskipti stjórnar
VR af innri málum sambandsins. Það er stefna RSÍ að vera virkur
þátttakendi í nefndum og ráðum til þess að reyna að koma á framfæri
skoðunum og vilja félagsmanna sambandsins.  Rafiðnaðarmenn telja sig
fullfæra um að ráða fram úr sínum málum án aðstoðar stjórnarmanna VR,
en eru tilbúnir til þess að hitta stjórn VR og fá skýringar á þessum
dylgjun og þá rökum ef einhver eru. Annars væru ágætt að stjórn VR
biðji starfsmenn og forsvarsmenn annarra stéttarfélaga opinberlega
afsökunar á áberandi hátt

Virðingarfyllst

Fh RSÍ

Guðmundur Gunnarsson

Svarbréf Bjarka og Ragnars til Guðmundur og Miðstjórnar ASÍ.

Kæru starfsmenn okkar launafólks á Íslandi.

Ekki koma viðbrögð forustu verkalýðshreyfingarinnar á óvart, við fyrir okkar leiti fögnum því ef jafn mikilvægar upplýsingar verði gerðar aðgengilegar á jafn einfaldan hátt og verið er að bjóða, en að sjálfsögðu þarf rétt að standa að málum. Varðandi ímyndaða hugaróra þá sem Guðmundur Gunnarsson er haldinn varðandi ógeðfelldar ásakanir á hendur starfsfólki og reyndar verkalýðshreyfingarinnar allrar verðum við að biðja þig að útskýra svo vel skiljist, því svona órökstudd skrif eru ekki miðstjórnarmanni ASÍ sæmandi, þar sem VR félagsmenn greiða 100 milljónir árlega til ASÍ með árangri sem erfitt er fyrir Guðmund, já, og flest ykkar að útskýra hver er?

Varðandi ársfund ASÍ höldum við að tímabært sé að svifta leyndarhjúpnum sem umvefur þingið og reyndar allt umhverfið sem þú Guðmundur og verkalýðskóngarnir allir verjið eins og mafían ver Sikiley, eina ráðið til þess að svo sé hægt er að birta, Guðmundur allar upptökur frá þinginu sem þú lýsir svo frjálslega í tölvupósti og enn og aftur berum við að sama brunni og eru ekki miðstjórnarmanni ASÍ sæmandi, þar sem VR félagsmenn greiða 100 milljónir árlega til ASÍ með árangri sem erfitt er fyrir Guðmund, já, og flest ykkar að útskýra hver er?

Er ekki rétt að birta allt efni frá fundinum, svo félagsmenn geti dæmt sjálfir hvað fór þar fram, því eins og þú veist sjálfur er eftirfarandi staðæfing " Þessir einstaklingar voru ítrekað leiðréttir á ársfundi ASÍ og uppvísir um fáheyrt þekkingarleysi um starfsemi stéttarfélaga og lífeyrissjóða" mjög sérstök þó ekki sé meira sagt, man ég þó vel eftir þegar miðstjórnarmaðurinn Guðmundur Gunnarsson lýsti okkur sem berjumst af heillindum fyrir okkar félagsmenn við ríkjandi öfl í ræðu sinni sem " Riddurum á hvítum hesti sem öllu vilja breyta og svo þykjast þeir vera hér í umboði félagsmanna"  Hvað nær umboð Guðmundar langt?   Um leið og við höfnum algjörlega að biðjast
afsökunar á hugarórum þeim er hrjá einhverja meðlimi ASÍ klíkunnar, hvet ég valdaklíkuna alla til að koma út í dagsbirtuna og tala við hinn almenna launamann,  um leið og við hvetjum ykkur sem stýrið í raun ASÍ til að nota tækifærið og biðja fjölskyldur landsins afsökunar á virkilega áberandi hátt á vítaverðu aðgerðaleysi, sem bitnað hefur á umbjóðendum hins mikla ASÍ en þeir umbjóðendur borga einmitt launin ykkar og hafa einmitt þurft að kljást einir við skelfilegar fjárhagslegar afleyðingar hrunsins á meðan klíkan ykkar situr við evrópusambands borðið og spáir í tækifærin sem bjóðast í nýjum nefndum og ráðum í Brussel? Að sjálfsögðu hefði ég gaman af að hitta Guðmund og forystu RSÍ en afsökunarbeiðni okkar verður þar alls ekki eingöngu rædd eins og formaðurinn heldur.


Ragnar Þór Ingólfsson
Bjarki Steingrímsson

Svarbréf Gunnars Guðmundssonar.

Já sælir. Eruð þið tveir kosnir sem fulltrúar allra launamanna? Eigum við að ræða það?

Ég sit í miðstjórn ASÍ sem eini fulltrúi rafiðnaðarmanna, kosinn til þess af félagsmönnum RSÍ. Það sem ég set fram innan ASÍ er byggt á teknum samþykktum rafiðnaðarmanna. Vera RSÍ innan ASÍ byggist á því að þar getum við rafiðnaðarmenn haft mest áhrif á gang þjóðmála. Höfum aðganga að öflugri hagdeild og getum haft áhrif á hvaða verkefnum hún beinir sjónum sínum og fengið þaðan úrvinnslu á gögnum í okkar kjarabaráttu. Höfum áhrif á setningu laga með umfangsmiklu starfi við umsagnir laga og reglugerða. Höfum áhrif á þróun verðlags. Stöndum betur í fæturna gagnvart stjórnvöldum.

Í félagslegu starfi ganga hlutirnir þannig fyrir að menn kynna sér vel það sem þeir eru að gagnrýna, setja síðan fram rökstuddar tillögur um hverju eigi að breyta og hvað eigi að koma í staðinn. Síðan er tillögunum unnið fylgi og þá helst í þeim nefndum og stjórnum sem fjalla um viðkomandi málaflokk.

Verzlunarmenn eru með báða forseta ASÍ og 3 aðra miðstjórnarmenn, þeir bera fram samþykktir félaga verzlunarmanna og öll vinnum svo að finna sameiginlegar niðurstöður sem nálgast sjónarmið sem flestra. En eruð þið við sama heygarðshornið. Setjið einungis fram fullyrðingar, engin rök bara innihaldslausar upphrópanir. Allir sem eru ykkur ekki sammála eru í einhverjum leyndarhjúpi og þora ekki að koma fram. Ef ykkur er svo svarað og þið beðnir um rök þá koma frá ykkur einhverjir ómerkilegur útúrsnúningar.

Þið haldið því blákalt fram opinberlega að ég sé í engum tengslum við mína félaga og taki einn allar ákvarðanir inn í einhverri lokaðri klíku niður á ASÍ. Með svona yfirlýsingum eruð þið að lítilsvirða störf 20 manna miðstjórnar RSÍ, 45 manna sambandsstjórnar, stjórna 10 aðildarfélaga og 120 manna trúnaðarráðs. Þið hafið ítrekað á þessu ári auk þess gert lítið úr þeim 600 félagsmönnum inna RSÍ sem sóttu fjölmarga félagsfundi í haust og þeim 500 félagsmönnum sem sóttu félagsfundi í vor. Þið gerið endurtekið lítið úr þessu fólki og hefur ykkur tekist að reita það til reiði. Það er virkur þátttakandi í ákvarðanatöku og það sem við starfsmenn RSÍ förum fram með eru samþykktir þessa fólks.

Ég hélt að þið mynduð verða ferskur vindur ungra og nýrra sjónarmiða og það voru margir sem litu til ykkar. En þið hafið fullkomlega brugðist öllum vonum. Bara ómerkilegir innihaldslausir rugludallar.

Það eina sem frá ykkur hefur komið eru upphrópanir í fjölmiðlum um að allt sé ekki eins og það eigi vera. Gefið í skyn að margt þoli ekki dagsins ljós og allir starfsmenn stéttarfélaganna séu skúrkar. Engin rök, engar tillögur engin vilji til þess að kynna sér mál. Á meðan svo er þá er málflutningur ykkar dylgjur og órökstuddur rógburður um saklaust fólk.

Ykkur tókst að ná eyrum fjölmiðla og margra með þessum upphrópunum. En nú er sá tími liðinn, nú eruð þið komnir í þá stöðu að vera varaformaður og stjórnarmaður stærsta verkalýðfélags Íslands og verðið að sýna fram á það sem þið fullyrðið eigi við einhver rök að styðjast. Ykkur hefur ekki tekist það. Þá blasir við sú staðreynd að þið eruð innistæðulausir gasprarar, sem hikið ekki við að fara í fjölmiðla með rógburð um félaga ykkar og starfsfólk ykkar á skrifstofum stéttarfélaganna.

Eins og kom t.d. fram á ársfundinum er þekking ykkar á lífeyrismálinum og öðrum málum innan hreyfingarinnar engin. Þið voruð aðhlátursefni. Svar ykkar var að fara í fjölmiðla og lýsa því yfir að þeir 300 sem sátu fundinn væru allir sirkusfífl. Þið einir tveir hefðuð rétt fyrir ykkur.

Nú er gripið til þess að verkalýðsforystan sé á bólakafi í nefndar- og stjórnarstörfum og talað um að það sé eitthvað ljótt. Hvað er átt við? Nefndir og starfsráð eru sett upp til þess að vinna að úrvinnslu mála og koma þeim áfram. Það er því hlutverk starfsmanna og stjórnarmanna að taka virkan þátt í þessu starfi. Ég hef ekki séð ykkur í þessu starfi. Þær nefndir sem ég þekki til og menn sitja í á vegum verkalýðshreyfingarinnar snúa að ákvarðanatöku um baráttumál verkalýðsfélaganna.

Ég þekki engan í forystu Rafiðnaðarsambandsins sem situr í einhverri "óheppilegri" stjórn eða nefnd. Það hefur komið fyrir að einhverjir af okkar forystumönnum eru hækkaðir í stjórnunarlögum fyrirtækja og þá hafa þeir vikið úr sínum sætum í sínu verkalýðsfélagi. Þið verðið að færa einhver rök fyrir þessum upphrópunum ykkar um nefndir og ráð á torgum og fundum.

Nú er það svo að Rafiðnaðarsambandið kýs sína fulltrúa í stjórnir og nefndir og það er eitt sem þið virðist ekki átta ykkur á. Þið eruð í stjórn VR. allt sem þið segið um störf annarra stéttarfélaga er bein afskipti VR af innra starfi annarra stéttarfélaga. Ykkur kemur t.d. nákvæmlega ekkert við hvernig við kjósum að halda á okkar málum hér í RSÍ frekar en að okkur komi við hvað þið í VR gerið.

Ein beiðni í lokinn, snúið ykkur að innri málum VR og látið önnur stéttarfélög í friði við erum fullfær að sjá um okkar mál og erum bara í ágætum málum án ykkar aðstoðar.


Fh. rafiðnaðarmanna

M bestu kveðjum Guðmundur Gunnarsson

Svar Okkar:

Sæll Guðmundur

Varaformaðurinn heitir Bjarki.

Það væri nú óskandi að pyngjur launafólks væru eins innihalds miklar og svar bréf þitt. En þegar maður les það yfir þá er það alveg eins innantómt og innihaldslaust.

Það væri áhugavert ef þú tækir saman fyrir okkur í stuttu máli hvernig þið forystusauðirnir innan ASÍ hafið tryggt réttindi og kaupmátt, félagsmanna stéttarfélaga eftir bankahrunið.

Þú segir þekkingu okkar á lífeyrismálum og örðum málum innan hreyfingarinnar enga og við séum "Bara ómerkilegir innihaldslausir rugludallar". Er þetta svara vert?

Við buðum okkur báðir fram með ákveðin mál í farteskinu og það eina sem við höfum gert er að fylgja þeim eftir. Afstaða félagsmanna VR var skýr. Það eru félagsmenn sem ákveða hvernig félagið á að vera og hvaða mál við setjum á oddinn. Ekki prívat pólitísk sjónarmið Guðmundur Gunnarssonar, Gylfa og félaga.

Við erum tilbúnir að leggja störf okkar undir almenna kosningu félagsmanna hvenær sem er. Hvernig væri að við sendum út skoðannakönnun um ágæti starfa okkar og ykkar til allra félagsmanna og könnum hug þeirra til þeirra mála sem ykkur og okkur eru hugleikin? Við hljótum að geta sent frá okkur "sameiginlegan spurningalista". Er þetta ekki eina leiðin til að skera úr um þennan ágreining ??

Hér er stundaður lögvarin þjófnaður á eigum almennings í formi bílalána,verðtryggingar og myntkörfulána, Kaupmáttur launa er í frjálsu falli osfrv..

Þetta svar þitt er enn ein innhaldslausa froðan sem frá þér kemur. Ein aðal uppistaða froðu er loft. Þú hefur sjálfur farið mikin í fjölmiðlum og úthúðað öllum þeim sem ekki taka orðum þínum sem heilögum sannleik. Hvernig ætlast þú til þess að launafólk taki þig alvarlega, sem einn aðalsöngvarinn í gospel kór evrópusinnaðra samfylkingarsauða.

Ég ætla ekki að skipta mér að því hvernig þú rekur þitt stéttarfélag en þegar þú talar sem málsvari minn innan ASÍ er mér frjálst að gagnrýna þig sem og aðra gæðinga sem að kjötkatlinum koma.

Þú talar um að þið séuð í ágætum málum. Í hvaða draumaheimi lifir þú Guðmundur? Ertu að segja að launafólk á íslandi og heimili þeirra séu almennt í ágætum málum. Ég skal trúa því að miðstjórnarklíkan sé í ágætis málum enda þarf hún ekki að lepja dauðan úr skel eins og komið er fyrir mörgum umbjóðendum okkar. Hún er líklega ekki mikil kjaraskerðingin hjá ykkur.

Það eitt að aðal hagmunagæsla launþega á íslandi, taki ekki afstöðu gegn verðtryggingu, myntkörfulánum,neyslusköttum sem gerðu ekkert annað enn að grafa enn dýpri gröf kaupmáttarrýrnunar og skiluðu engu nema hækkun verðbóta á húsnæðislánum almennings er vítavert sinnuleysi.

Þið ættuð að biðjast afsökunar með mjög áberandi hætti og ættið að skammast ykkar. Ég legg svo til að miðstjórnin segi af sér vegna þessa.

Það er ekki eðlilegt að verðbætur á fasteignum okkar sé öryggisnet banka og lífeyrissjóða eftir að hafa spilað rassinn úr buxunum eftir útrásarfylleríið.

Þið virðist vera gjörsamlega úr öllu sambandi við raunvöruleikan og ástandið í samfélaginu. Það er ekkert sem bendir til þess að breyting verði þar á.

Þú talar um að VR hafi bæði forystusætin.

Gylfi og Ingibjörg eru eins fjarlæg okkur og karlinn í tunglinu. Gylfa hef ég aldrei rætt við og Ingibjörgu einu sinni, þrátt fyrir loforð þeirra um að hitta okkur til að ræða málin.

Það er og verður erfitt fyrir ykkur sértrúarsöfnuðinn að viðurkenna brotalamir í lífeyriskerfinu, sem getur ekki einu sinni greitt út séreignasparnaðinn nema á afborgunum og með hámarki.

Þú ert sorglegt dæmi um hvernig komið er fyrir verkalýðshreyfingunni á Íslandi. Ég bar miklar væntingar til þín á sínum tíma og taldi þig bjargvætt okkar launamanna, áður en þú seldir sálu þína.

Það versta er að starfsfólk verkalýðsfélaga, sem er í nákvæmlega sömu stöðu og allir hinir, þurfa að lýða fyrir þessa umræðu á meðan þau vinna mikið og gott starf, enda innra starf VR til mikilla fyrirmyndar. Það er ekki hægt að kenna starfsfólki verkalýðsfélaganna um aumingjaskap forystunnar.

Eftir höfðinu dansa limirnir osfrv.

Ég þakka fyrir svarið Guðmundur sem sýnir okkur að við erum á hárréttri braut og höldum ótrauðir áfram sem aldrei fyrr.

Kær kveðja.
Ragnar Þór Ingólfsson
Bjarki Steingrímsson

Í neðanmáls texta sem gjarnan fylgir tölvupósti sem mér berst, er oft minnst á bótaábyrgð og refsingu ef pósturinn berst óviðkomandi aðila. Vil ég því benda á, að tölvupóstur þessi og öll viðhengi hans eru ekki leyndarmál gagnvart félagsmönnum VR og ég starfa fyrir að heilum hug og er þar af leiðandi ekki eingöngu ætluð þeim sem hann er stílaður á, vinsamlega sendu póstinn hvert sem þér viljið. Að endingu kýs ég að setja eftirfarandi bókun mína sem er í fundargerðar bókum VR dags 28.10.2009.

"Ég bóka það hér með að ég mun aldrei taka þátt í að koma að stjórnun stéttarfélags sem rekur sig eins og leynifélag gagnvart félagsmönnum sínum"
 

Helstu baráttumál okkar Bjarka eru sem hér segir.

Leiðrétting á stökkbreyttum höfuðstól húsnæðislána. Gegnsæi í fjárfestingum lífeyrissjóða og sjóðsfélagar kjósi sjálfir í stjórnir þeirra. Stöðugleika fyrir heimilin. Raunveruleg úrræði vegna myntkörfulána. Opna félagið fyrir félagsmönnum.

Þetta eru baráttumálin sem skilaði okkur yfirburðarkosningu í stjórn VR. Ríkjandi meirihluti sem hélt völdum þrátt fyrir sigur okkar hefur kerfisbundið unnið gegn þessum markmiðum og nú síðast með því að víkja Bjarka Steingrímssyni úr embætti varaformanns vegna ræðu sem hann hélt á austurvelli sem valdaklíkunni innan verkalýðshreyfingarinnar mislíkaði svo.

Hér má sjá ræður okkar á Austurvelli: Bjarki Steingrímsson  Ragnar Þór Ingólfsson 

 

Frekari vangaveltur um þetta merkilega mál..

Leyfi mér að birta vangaveltur Guðjóns Heiðars Valgarðssonar sem ég vil gera að mínum. Engu við þetta að bæta. Áfram Þjóðin.

 

Guðjón Heiðar Valgarðsson January 6 at 9:37am 

Þar sem búið er að rugla nógu mikið í þjóðinni um þetta Icesave mál að ég ákvað að skrifa örlítið meira um þetta mál eins og ég sé það.

Það eina sem ákveðið var í gær var að þjóðin ætti sjálf að kjósa um þetta umdeilda og mikilvæga mál.

Flóknara var það ekki. Ég sé ekki hvernig hneykslun á því geti flokkast undir nokkuð annað en fasisma.

Sjálfstæði okkar og auðlindir voru og eru í húfi vegna þessara laga.

Meðal fyrirvarana sem voru Bretum og Hollendingum ekki ásættanlegir var þessi setning:

"að hvergi sé haggað við óskoruðum yfirráðum Íslands yfir náttúruauðlindum landsins og rétti handhafa íslensks ríkisvalds til að kveða á um nýtingu og skipan eignarhalds á þeim."

Hún var því tekin út og voru lögin samþykkt á þingi þrátt fyrir það að þessi einfaldi og sjálfsagði fyrirvari fengi ekki að standa.

Ég vona að allir átti sig á því að þarna voru samþykkt á þingi lög sem hefðu teflt í tvísýnu rétti okkar sem þjóð til að ráða okkar eigin auðlindum. Það átti að semja við þjóðir sem voru ekki tilbúnar að viðurkenna þennan rétt heldur vildu vald til að geta tekið íslensk fyrirtæki og auðlindir upp í skuld sem ómögulegt væri að borga!

Sem betur fer kom forseti okkar mörgum á óvart (amk mér) og neitaði að skrifa undir þessi skjöl.

Mörg okkar hafa hingað til litið á forsetann sem "klappstýru útrásarvíkinga", sem er auðvitað skiljanlegt byggt á því hrósi sem forsetinn jós yfir þá meðan útrásin stóð sem hæst.

Eftir gærdaginn er þó ekki annað hægt en að endurskoða þá afstöðu og taka skýringar hans á því framferði sem gilda afsökun. Miðað við fjölmiðlaumræðu þess tíma er ekkert ómögulegt að hans skilningur á þeirra starfsemi væri ekki meiri en margra annarra Íslendinga, að þessir bankamenn hlytu að vera snillingar að hafa náð slíkum "árangri" á alþjóðavettvangi.

Það verður allavega að teljast alveg ljóst að þessir sömu útrásarvíkingar lögðu mikið kapp á að þessi lög yrðu samþykkt sem fyrst.

Í þessu tilviki hefur hann amk. sýnt hvar hann stendur þegar til kastanna kemur.

Ólafur tók afstöðu með þjóðinni, hann neitaði að afsala sjálfstæði okkar og kaus að leyfa henni sjálfri að kjósa um hvernig framtíð okkar verður.

Nú verðum við að taka afstöðu með honum. Það sem er liðið er liðið, ef við ætlum að eiga möguleika á að sameinast og gera nýtt og byltingarkennt samfélag verðum við að sýna að það er ekki of seint fyrir neinn að breyta rétt.

Að hver sá sem sýnir vilja til þess verði tekinn opnum örmum. Það sem við þurfum núna er sannleikur, heiðarleiki og hugrekki.

Við þurfum fólk sem þorir að "svíkja lit", yfirgefa mafíuna og ganga til liðs við okkur. Við verðum að sýna því fólki að slíkt sé virkilega það sem við þurfum á að halda.

Ef við sýnum hinsvegar að það sé alveg sama hvað fólk segi eða geri núna, þau verði alltaf í ónáð vegna þessara atburða erum við ekki beinlínis að hvetja aðra til að fylgja því fordæmi.

Þess vegna hvet ég fólk til að ganga í þennan hóp:

http://www.facebook.com/group.php?gid=238566711737

"Við þökkum Ólafi Ragnari Grímssyni hugrekkið í dag, lifi lýðræðið!"

Það er ekki hægt að segja að kosningar um Icesave hafi verið í vor því meirihluti þeirra sem kaus vinstri græn gerði það í góðri trú um að þau myndu hafa hagsmuni þjóðarinnar að leiðarljósi, þau lofuðu aldrei að semja um Icesave, ganga í ESB eða styðja AGS.

Nú tekur við erfið barátta sem við verðum öll að reyna að finna einhvern tíma til að taka þátt í. Heimsveldissinnar munu gera allt til að sýna okkur hversu mikið við þurfum á þeim að halda. Margir óttast eflaust að okkar heittelskuðu hægri flokkar nái aftur völdum, og það er ekki kynæsandi tilhugsun.

Nú þegar hafa tveir fjölmiðlar erlendis ýjað að því að hervaldi gæti verið beitt gegn Íslandi vegna þessa máls.

Ég veit ekki með ykkur, en mér finnst virikilega langt gengið þegar fólk í öðrum löndum segir að réttast væri að senda her í landið mitt.

En það er svona sem þetta virkar.

Raunsæið hlýtur þó að segja okkur að slíkt tal er til lítils annars ætlað en að gera okkur hrædd. Slíkt myndi aldrei eiga sér stað, því þó þeir séu snar vita þeir vel hversu mikilli andstöðu slíkar aðgerðir myndu mæta.

En ef það væri ekki fyrir það, hugsa ég að þeir myndu ekki hika við það.

Þar fyrir utan er ýmislegt sem þeir geta gert, og munu gera sem þeir munu mögulega geta réttlætt fyrir löndum sínum.

Munum samt að þrátt fyrir allan hræðsluáróðurinn þá hafa þeir ekkert til að hræða okkur raunverulega með.

Vatnið hættir ekki að renna, byggingarnar hrynja ekki, orkan hverfur ekki og jarðvegurinn hættir ekki að framleiða mat. Það eru aðrar þjóðir sem myndu stunda viðskipti við okkur. Það sem skiptir öllu máli er af við gefum ekki auðlindir okkar frá okkur.

Munum líka að í þessari krísu eru tækifæri. Möguleiki fyrir Ísland að gjörbreyta samfélagi okkar og hafna þeim gömlu og úreltu gildum sem réðu ferðinni hér ekki alls fyrir löngu.

Það sem við þufum helst er að umbylta fjármálakerfinu, bæta kosningakerfið (góðar hugmyndir eru til um þetta) og finna út leiðir til að sporna við þeirri sóun sem á sér stað á hverjum degi. Við þurfum að leggja áherslu á innlenda ræktun á matvælum og miða að því að geta verið eins sjálfbær og mögulegt er, og þar með sjálfstæð.

Því meira sem Bretar berja á okkur því skýrara verður óréttlætið. En þá verðum við líka að láta í okkur heyra.

Áhrifin sem við sem hópur getum haft er gríðarlegur, sérstaklega ef við horfum á margföldunaráhrifin af hverjum þeim sem við náum að sannfæra.

Árið 2010 verður spennandi, ef við leggjum öll brot af tíma okkar í að berjast þá verður þetta auðvelt.